.png "Win Recruit Nepal"){kind=logo}
तनहुँ । तनहुँको शुक्लागण्डकी नगरपालिकामा रहेको झाँगाझोली भिलेज रिसोर्ट आन्तरिक पर्यटक तथा प्रकृतिप्रेमीको रोजाइमा पर्न थालेको छ । पर्यटकहरूलाई पारिवारिक तथा आरामदायी वातावरण प्रदान गर्दै आएको रिसोर्टमा प्रकृति, धर्म, संस्कृति र शिक्षाको सुन्दर सङ्गम देख्न सकिन्छ ।
रिसोर्ट परिसरभित्र वनस्पति तथा जडीबुटीजन्य पार्क, विभिन्न फलफूलका बगैँचा, र परम्परागत एवं लोपोन्मुख सामग्रीहरू समेटिएको संग्रहालयसमेत निर्माण गरिएको छ । धार्मिक तथा सांस्कृतिक महत्व दर्साउन विभिन्न मठमन्दिर र कुण्डहरूसमेत तयार पारिएका छन् ।
आगामी दिनमा यसलाई 'एकेडेमिक रिसोर्ट'का रूपमा विकास गर्ने लक्ष्य राखिएको छ, जहाँ शैक्षिक गतिविधि र प्रकृतिको अध्ययनलाई एकैसाथ अघि बढाउन सकिनेछ ।
पारिवारिक जमघट, साथीभाइसँगको भेटघाट तथा विभिन्न औपचारिक कार्यक्रम आयोजना गर्न अनुकूल पूर्वाधार रहेको रिसोर्टमा स्थानीय उत्पादन र मौलिक स्वादका परिकारलाई विशेष प्राथमिकता दिइएको छ । पोखरा तथा आसपासका शहरहरूबाट सहजै पुग्न सकिने भएकाले यो क्षेत्र पर्यटन प्रवर्द्धनको उच्च सम्भावना बोकेको गन्तव्य बनेको छ ।
पर्यावरण संरक्षण, स्थानीय रोजगारी सृजना र गुणस्तरीय आतिथ्यलाई आत्मसात् गर्दै अघि बढेको यस रिसोर्टले आगामी दिनमा आफ्ना सेवा-सुविधाहरू थप विस्तार गरी बाह्य पर्यटकलाई समेत आकर्षित गर्ने योजना बनाएको छ ।
प्रकृति, शान्ति र पारिवारिक वातावरणको खोजीमा रहेका पर्यटकका लागि झाँगाझोली भिलेज रिसोर्ट एउटा उत्कृष्ट विकल्प साबित हुने देखिन्छ ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
.jpg)
प्रतिक्रिया गर्न लग इन गर्नु होस्:
Log in with Google