.png "Win Recruit Nepal"){kind=logo}
काठमाडाैं । कुमारी बैंक र काठमाडौंको बसुन्धरास्थित कान्तिपुर डेन्टल कलेज टिचिङ अस्पताल तथा रिसर्च केन्द्रबीच कुमारी बैंकका ग्राहकहरूलाई विशेष छुट प्रदान गर्ने समझदारी भएको छ ।सम्झौताअनुसार, कुमारी बैंकका ग्राहकहरूलाई कान्तिपुर डेन्टल कलेज टिचिङ अस्पतालबाट प्रदान गरिने सेवाहरूमा १५ प्रतिशतसम्म छुट दिइने बैंकले जनाएको छ ।
बैंकका अनुसार, कान्तिपुर डेन्टल कलेज टिचिङ अस्पतालबाट प्रदान गरिने विभिन्न सेवा लिएबापत कुनै पनि भुक्तानी कुमारी बैंकको डेबिट/क्रेडिट कार्डबाट गर्दा ओपीडी सामान्य डेन्टल सेवाहरूमा १० प्रतिशत, विशेष डेन्टल सेवामा ७ प्रतिशत, सामान्य सेवाहरूमा १० प्रतिशत छुट दिइनेछ ।
त्यस्तै, क्लिनिकल प्याथोलोजीमा १५ प्रतिशत छुटका साथै पहिलो भिजिटमा नि:शुल्क आँखा परीक्षण सेवा पनि प्राप्त गर्न सकिनेछ । यस सुविधाबाट सेवाग्राहीहरूले गुणस्तरीय सेवा प्राप्त गर्नुका साथै अधिकतम लाभसमेत प्राप्त गर्न सक्ने विश्वास बैंकले लिएको छ ।
यी छुटहरू कान्तिपुर डेन्टल कलेज टिचिङ अस्पताल तथा रिसर्च केन्द्रको काठमाडौं मुख्य कार्यालयका साथै नारायणगढ र बुटवलमा रहेका शाखा कार्यालयहरूबाट समेत प्रदान गरिने बैंकले बताएको छ । कुमारी बैंकले हाल देशभर रहेका आफ्ना ३०२ शाखा कार्यालय, ३१५ एटीएम, ५० एक्सटेन्सन काउन्टर तथा ६७ शाखारहित बैंकिङ इकाइहरूमार्फत आफ्ना ग्राहकहरूलाई प्रभावकारी सेवा प्रदान गर्दै आइरहेको छ ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google