.png "Win Recruit Nepal"){kind=logo}
काठमाडौं । केई मोटर्सको नेपालका लागि आधिकारिक वितरक लक्ष्मी ई–मोबिलिटीले ९९ किलोवाट मोटर पावरमा केई एक्स–३ प्रो ईभी नेपाली बजारमा ल्याएको छ । परिस्कृत पर्फमेन्स र दक्षतायुक्त दाबी गरिएको एक्स–३ प्रो को सुरुआती मूल्य ४३ लाख ९६ हजार रुपैयाँ छ ।
कम्प्याक्ट एसयूभी सेगमेन्टमा सबैभन्दा अफोर्डेबल एसयूभी दाबी गरेको गाडीको अफर मूल्य सीमित समयका लागि लागु हुने कम्पनीले जनाएको छ ।
एक्स–३ प्रोमा ५३.६ किलोवाट आवर क्षमतायुक्त सीएटीएल (क्याटल)को लिथियम आइरन फस्फेट ब्याट्री छ । यसले २६० एनएम सम्मकोटर्क प्रदान गर्छ ।
एकपटकको फुल चार्जमा गाडीले ३७० किलोमिटर रेन्ज दिने बताएको छ । ब्याट्री फुल चार्ज हुन पाँचदेखि सात घण्टा लाग्छ । घरमा सात किलोवाटको एसी चार्जरबाट आठ घण्टामा फुल चार्ज गर्न सकिने बताइएको छ । डीसी फास्ट चार्जिङको सहयोगबाट ३० देखि ८० प्रतिशतसम्म चार्ज गर्न सकिन्छ ।
एक्स–३ प्रो ईभीको लम्बाई ४४४३ एमएम, चौडाई १८३१ एमएम र उचाई १६४६ एमएम छ भने यसको ह्विलबेस २६३२ एमएम छ । पाँच सिट क्षमताको यो गाडीमा पर्याप्त इन्टेरियर स्पेस छ ।
केई एक्स–३ प्रोको फ्रन्टमा म्याकफर्सन इन्डिपेन्डेन्ट सस्पेन्सन र रियरमा मल्टी–लिंक इन्डिपेन्डेन्ट सस्पेन्सन छ । यसको ग्राउन्ड क्लियरेन्स १८३ एमएम छ । केई एक्स–३ प्रो ईभी विभिन्न पाँच कलर अप्सनमा उपलब्धछ ।
नेपालभरी बलियो उपस्थिति रहेको केई नेपालले भाटभटेनी नक्सल, धनगढी, नेपालगञ्ज, दाङ, भैरहवा, भरतपुर, हेटौँडा, दमक र बिर्तामोड गरी ९ सोरुमबाट सेवा दिइरहेको बताएको छ ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google