.png "Win Recruit Nepal"){kind=logo}
काठमाडौँ । गत आर्थिक वर्षको यसै अवधिको तुलनामा चालु आर्थिक वर्षको ७ महिनासम्ममा नेपालको निर्यात व्यापार साढे ४६ प्रतिशतले बढेको छ । भन्सार विभागले सार्वजनिक गरेको तथ्यांक अनुसार यस अवधिमा १ खर्ब २७ अर्ब २० करोड बढीको सामान निर्यात भएको छ ।
विभागका अनुसार माघ मसान्तसम्मको विवरणअनुसार ७ महिनाको अवधिमा नेपालको निर्यात ४६.५० प्रतिशतले बढेको छ । गत वर्षको ७ महिनाको अवधिमा ८६ अर्ब ८३ करोड रुपैयाँ बराबरको निर्यात भएको थियो । माघ महिनामा मात्रै २९ अर्ब बराबरको निर्यात व्यापार भएको छ । पछिल्लो ४ महिनादेखि निर्यात व्यापार निरन्तर बढेको छ । गत कार्तिक महिनामा १४ अर्ब ३० करोड, मंसिरमा २० अर्ब ९८ करोड र पुस महिनामा २५ अर्ब ३० करोड रुपैयाँको निर्यात व्यापार भएको थियो।
नेपालबाट खानेतेलको निर्यात वृद्धि भएपछि समग्रमा निर्यात वृद्धि हुन पुगको विभागले जनाएको छ । चालु आवको ७ महिनामा सोयाबिन तेल मात्रै ३२ अर्ब ४१ करोड रुपैयाँको निर्यात भएको छ । यसैगरी, ६ करोड ५७ लाख रुपैयाँको सूर्यमुखिको तेल निर्यात भएको छ । जबकी गत आवको सोहि अवधिमा सोयाबिन तेल ५४ करोड १४ लाख रुपैयाँको मात्र निर्यात भएको थियो भने सूर्यमुखीको तेल १४ करोड ८७ लाख रुपैयाँको निर्यात भएको थियो ।
चालु आर्थिक वर्षको ७ महिनासम्ममा मुलुकले ९ खर्ब ८८ अर्ब ५८ करोड ७७ लाख रुपैयाँ बराबरको वस्तु आयात गरेको छ । गत आर्थिक वर्षको सोही अवधिमा ८ खर्ब ९७ अर्ब ९४ करोड ३८ लाख रुपैयाँ बराबरको वस्तु आयात भएको थियो । गत आवको यसै अवधिको तुलनामा चालु आवको मााघ महिनासम्म कुल आयात १०.०९ प्रतिशतले बढेको छ ।
भन्सार विभागले सार्वजनिक गरेको माघ मसान्तसम्मको विवरण अनुसार ७ महिनाको अवधिमा नेपालको वैदेशिक व्यापार ११ खर्ब १५ अर्ब ७९ करोड २५ लाख रुपैयाँ बराबरको भएको छ । गत वर्षको यही अवधिमा ९ खर्ब ८४ अर्ब ७७ करोड ४८ लाख रुपैयाँ बराबरको वैदेशिक व्यापार भएको थियो । वैदेशिक व्यापार १३.३० प्रतिशतले बढेको हो ।
७ महिनाको अवधिमा व्यापार घाटा ८ खर्ब ६१ अर्ब ३८ करोड २८ लाख रुपैयाँ रहेको छ । गत वर्षको यसै अवधिको तुलनामा व्यापार घाटा ६.२० प्रतिशतले बढेको हो । गत वर्षको सोही अवधिमा ८ खर्ब ११ अर्ब ११ करोड २९ लाख रुपैयाँ बराबरको व्यापार घाटा भएको थियो ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google