.png "Win Recruit Nepal"){kind=logo}
ललितपुर । गोदावरी नगरपालिका–७ देवीचौरको देउरालीमा यहाँका पशुपालक किसानलाई लक्षित गरी तीन दिने तालिम सञ्चालन गरिएको छ । ग्रामीण सामुदायिक संस्था विकास (रिकोड) को आयोजनामा असार १ गतेदेखि असार ४ गतेसम्म आयोजित तालिममा छोटीडाँडा, घोडा कुद्ने र देउरालीका ३० जना पशुपालक किसान सहभागी छन् ।
रिकोडका पशु सेवा प्राविधिक श्याम सञ्जेलले पशुपालनका फाइदा, महत्व, तौरतरिका, खोर तथा गोठ व्यवस्थापन, सरसफाई, आहारासँगै पशुपन्छीमा लाग्ने रोग, रोकथाम र उपचारबारे सहभागीसँग अन्तरक्रिया गरेका थिए ।
तालिममा दुई वर्ष मुनीका बालबिलकाका आमालाई सहभागी गराइएको रिकोडकी समुदाय सहजकर्ता गीता तिमल्सिनाले जानकारी दिइन् । उनले रिकोडका कार्यक्रममा लक्षित वर्गका रूपमा गर्भवती र बालबालिकाका आमालाई समेट्दै आएको बताइन् ।
गोदावरी नगरपालिका वडा नं ७ का वडा सदस्य अजय लामाले रिकोडले योजना अनुसारका कार्यक्रम समयमा र लक्षित वर्गलाई समेट्दै आएको बताए ।
उनले भने-'कतिपय संस्थाले योजना गरे अनुसार काम गरेका छैनन् । तर, रिकोडले योजना गरे अनुसारको काम गर्न दिनरात सहजकर्ता कार्यक्षेत्रमा भेटेका छौँ । यो हाम्रा लागि र वडाबासीका लागि निकै खुसीको कुरा हो ।'
रिकोडकी देवीचौर सहजकर्ता गीता तिमल्सिनाका अनुसार आमा समूहमा आबद्ध महिलाका लागि पोषण सत्र, सासू आमाहरूका लागि पोषणसम्बन्धी अभिमुखिकरण, किशोरकिशोरीका लागि प्रजनन् स्वास्थ्य र पोषणसम्बन्धी जानकारी, समूह र वित्तीय व्यवस्थापनसम्बन्धी तालिम, आयआर्जन र पोषण सुधारका लागि कृषक लक्षित कृषि र भेटेरिनरी तालिम तथा करेशाबारीमा लगाउने तरकारीका बिउबिजन सहयोग लगायतका क्रियाकलाप सञ्चालनमा छन् ।
.jpg)
_GnRvz8QHio.jpg)
