.png "Win Recruit Nepal"){kind=logo}
एजेन्सी । फिफाले आफ्नो महिला खेलाडीलाई चुम्बन गर्ने स्पेनिस फुटबल महासंघका अध्यक्षलाई निलम्बन गरेको छ । महिला विश्वकप विजेता जेनी हर्मोसोलाई स्टेडियममै चुम्बन गर्ने स्पेनिस फुटबल महासंघका अध्यक्ष लुइस रुबियालेसलाई फिफाले ९० दिनका लागि निलम्बन गरेको हो । उनलाई ‘फुटबलसँग सम्बन्धित सबै गतिविधिहरू’बाट अस्थायी रूपमा फिफाले निलम्बन गरेको जानकारी दिइएको छ ।
हर्मोसो, उनका सहकर्मी र स्पेन सरकारको कडा आलोचना पछि उनलाई निलम्बन गरिएको हो । स्पेनले पहिलो पटक टूर्नामेंट जितेपछि गत आइतबार रुबियालेसले खेलाडी हर्मोसोलाई ओठमा चुम्बन गरेका थिए ।
हर्मोसोले चुम्बन अवांछित भएको र रुबियालेस अध्यक्ष रहँदासम्म खेल्न अस्वीकार गरेको बताउँदै आएकी थिइन । तर, रुबियालेसले चुम्बन सहमतिमा भएको दावी गर्दै आएका छन ।
रुबियल्स र स्पेनिस फुटबल महासंघलाई हर्मोसोलाई सम्पर्क गर्न प्रतिबन्ध लगाएको छ । बिहीबारबाट सुरु भएको अनुशासनात्मक कारबाही सकिएपछि थप जानकारी दिइने फिफाले जनाएको छ ।
.jpg)
प्रतिक्रिया गर्न लग इन गर्नु होस्:
Log in with Google