काठमाडाैं । एसिया कप क्रिकेटको सुपर फोरको खेलमा पाकिस्तानबिरुद्ध भारतका विराट कोहलीले शतक प्रहार गरेका छन् । यो शतकसंगै विराटले नयाँ कीर्तिमान पनि बनाएका छन् ।
कोहलीले आफ्नो एकदिवसीय करियरमा १३ हजार रन पूरा गरे। कोहलीले आफ्नो २६७ औं इनिङ्समा १३ हजार रन पूरा गरेका हुन् ।
योसँगै उनी एकदिवसीय क्रिकेटमा सबैभन्दा कम इनिङ्समा १३ हजार रन बनाउने ब्याट्सम्यान बनेका छन् । हाल यो रेकर्ड सचिन तेन्दुलकरको नाममा छ, जसले ३२१ इनिङ्समा १३ हजार रन पुरा गरेका थिए ।
यति मात्र होइन, कोहली एकदिवसीयमा १३ हजार रनको आँकडा छुने विश्वका पाँचौं ब्याट्सम्यान बनेका छन् । सचिनपछि यस्तो गर्ने उनी दोस्रो भारतीय ब्याट्सम्यान बनेका छन् । सचिनको नाममा ४६३ खेलमा १८ हजार ४२६ रन छन् ।
प्रतिक्रिया गर्न लग इन गर्नु होस्:
Log in with Google