.png "Win Recruit Nepal"){kind=logo}
काठमाडौं । एसिया कपबाट खारिएको नेपाली राष्ट्रिय क्रिकेट टिमले आज मङ्गोलियासँग क्रिकेट खेल्दै छ । १९औँ एसियाली खेलकुद, २०२२ अन्तर्गत नेपाल र मङगोलियाबीचको खेल नेपली समयअनुसार अहिले बिहान ६:४५ मा सुरु हुँदै छ ।
अन्तर्राष्ट्रिय क्रिकेट परिषद् (आइसीसी)ले सन् २०२१ मा मात्र मङ्गोलियालाई एसोसिएट टोलीको मान्यता दिएको हो । समूह ए मा रहेको नेपालले आफ्नो दोस्रो खेल आइतबार माल्दिभ्ससित खेल्नेछ ।
समूह ए मा शीर्ष स्थानमा रहन सके नेपाल क्वाटरफाइनलमा प्रवेश गर्ने छ । क्वाटरफाइनलमा नेपालले भारत, बङ्गलादेश, पाकिस्तान,श्रीलङ्का र अफगानिस्तानमध्ये एउटा टोलीसित खेल्ने छ ।
पाँच वटै देशले एक दिवसीय विश्वकप प्रतियोगिताका कारण आफ्नो दोस्रो टोली एसियाली खेलकुदमा सहभागिताका लागि पठाएका छन् । प्रतियोगितामा भाग लिन नेपाली पुरुष क्रिकेट टोली आइतबार नै पुगेको छ ।
नेपाली टोलीका दुई महत्त्वपूर्ण खेलाडी सन्दीप लामिछाने र सागर ढकाल आजै यहाँ आइपुगेका छन् । नेपाली टोलीका अन्य खेलाडीमा रोहितकुमार पौडेल (कप्तान), कुशल भुर्तेल, दीपेन्द्रसिंह ऐरी, आसिफ शेख, कुशल मल्ल, गुलशन झा, करण केसी, अभिनाश बोहरा, विवेककुमार यादव, प्रतिश जिसी, सोमपाल कामी, विनोद भण्डारी र सन्दीप जोरा रहेका छन् ।
नेपालले एसिया कपमा भारत र पाकिस्तान जस्ता राष्ट्रसँग खेलेर अनुभव बटुलेको छ ।
.jpg)
प्रतिक्रिया गर्न लग इन गर्नु होस्:
Log in with Google