.png "Win Recruit Nepal"){kind=logo}
काभ्रे । केही समय अगाडिको अविरल वर्षाका कारण आएको बाढी र पहिरोबाट प्रभावित भएका नमोबुद्ध नगरपालिका वडा १, १० र ११ मा राहत वितरण गरिएको छ । नेपाली कांग्रेस काभ्रेका सभापति, पूर्वमन्त्री तथा बागमती प्रदेश सभा सदस्य तीर्थ लामाको उपस्थितिमिा सो राहत वितरण गरिएको हो ।
नेसाङ मनाङ महिला समाज र दया फाउण्डेशन संस्थाहरुले उपलब्ध गराएको राहत वितरण गरिएको हो । बाढी र पहिरो पीडितहरुलाई चामल, नुन, तेल, साबुन, चाउचाउ, बिस्कुट र लत्ता कपडा र लताकपडाहरु वितरण गरिएको बताइएकाे छ ।
कांग्रेस काभ्रेका सभापति तथा पूर्व खानेपानी मन्त्री तीर्थ लामा, नेपाली कांग्रेस प्रदेश सभा १ (ख) का सभापति चन्द्रबहादुर लामा, तरुण दल काभ्रे जिल्ला सभापति सुजन लामा तथा तरुण दलको समुह, भुम्लु गाउँपालिका उपाध्यक्ष दावा लामा, नेपाली कांग्रेसका नेताहरु र सहयोगी संस्थाका प्रतिनिधिहरुको उपस्थितिमा राहत वितरण गरिएको सभापति तीर्थ लामाको सचिवालयले जनाएको छ ।
बाढी पहिरोले क्षति गरेसँगै तीर्थ लामाले कांग्रेसका सबै नेता कार्यकर्तालाई उद्धार र राहतमा खटिन अनुरोध गरेका थिए । लामा आफैँ उद्धारमा खटिएका थिए । जिल्लामै पीडा परेको भन्दै लामाले आफू हरेक पीडितको घर घरमा पुग्ने र सरकारसँग सहयोग लागि आग्रह गने बताएका थिए ।
राहात वितरण गर्दै लामाले पीडितहरूको घाउमा मलम लगाउँदै बाढी पहिरोले क्षतिग्रस्त ठाउँहरूमा चाँडोभन्दा चाँडो पुन निर्माण गर्नको लागि र विद्युत सेवा सुचारू गर्नको लागि समेत सरकारसँग पहल गर्ने बताएका छन् ।
उनले भने, ‘म जनताकै सेवा गर्न राजनीतिमा आएको हुँ । यहाँका जनताको समस्या नै मेरा आफ्ना समस्या हुन्, समाधान गर्न प्रदेश सरकार र संघीय सरकारसँग पुर्याएर पहल गरिरहेको छु ।’
गत शुक्रबार मात्र नेपाली कांग्रेस काभ्रेले बाढी पहिरोमा ज्यान गुमाउने ७८ जनाकै परिवारसम्म पुग्ने निर्णय गरिसकेको छ । सभापति लामाको अध्यक्षतामा बसेको जिल्ला कार्यसमितिको बैठकले शोक प्रस्ताव पारित गर्दै ७८ जनाकै परिवारसम्म पुग्ने निर्णय गरेको हो ।
जिल्ला कार्यसमितिको बैठकले मृतकका परिवारलाई समवेदना प्रकट गर्न र अवस्था बुझ्न १३ वटै स्थानीय तहका १ सय ३५ वटै वडामा नै पुग्ने निर्णय गरेको जिल्ला सभापति तीर्थ लामाले जानकारी दिए ।
उनले भने, ‘यसअघि उद्धार, राहत र सहयोग लिएर सम्बन्धित पालिकामा हामी, पार्टीका साथीहरु र भातृ संगठनहरु पुगिसकेका छौं, मृतक सबैका परिवारलाई समवेदना दिन र अवस्था बुझ्न जिल्ला कार्यसमिति र पार्टीका नेता कार्यकर्ताहरु अनिवार्य जाने निर्णय गरेका छौँ ।’
बैठकले बाढी र पहिरो प्रभावित काभ्रेका १३ वटै स्थानीय तहलाई विपद संकटग्रस्त पालिका घोषणा गर्न सरकारको ध्यानाकर्षण गराएको लामाले बताएका छन् ।
लामाका अनुसार विपद प्रभावित काभ्रेमा खानेपानी, सडक पूर्वाधारको समस्या भएको भन्दै कांग्रेसले तत्कालको लागि अनुदान पठाउन पनि माग गरेको छ । विपदपछिको उद्धार, राहतमा खटिने पार्टीका नेता कार्यकर्ता र सम्बद्ध सबैमा कांग्रेसले आभार पनि प्रकट गरेको छ । असोज दोस्रो साताको अविरल बर्षाले बाढी र पहिरोको कारण काभ्रेमा ७८ जनाले ज्यान गुमाएका थिए ।
1667912853.jpg)
.JPG)
.jpeg)
प्रतिक्रिया गर्न लग इन गर्नु होस्:
Log in with Google