.png "Win Recruit Nepal"){kind=logo}
पोखरा । राष्ट्रिय स्वतन्त्र पार्टी (रास्वपा) का सभापति रवि लामिछानेलाई शनिबार मकैको खोया प्रहार गर्ने लमजुङका सन्तोष रानाभाटलाई थप १० दिन थुनामा राखेर अनुसन्धान गर्न जिल्ला प्रशासन कार्यालय कास्कीले अनुमति दिएको छ ।
प्रशासनले सार्वजनिक स्थलमा अभद्र व्यवहारसम्बन्धी मुद्दामा रानाभाटलाई थप १० दिन थुनामा राखेर अनुसन्धान गर्न अनुमति दिएको जिल्ला प्रहरी कार्यालय कास्कीका प्रमुख एसपी मोहनकुमार थापाले जानकारी दिए ।
‘खोया प्रहार गर्ने रानाभाटलाई शनिबार नै पक्राउ गरेर थुनामा राखेका छौँ । आइतबार प्रशासनबाट १० दिन म्याद थप गरेका छौँ । अहिलेसम्म झुक्किएर नै गएको भनेर बयान दिएका छन् । झुक्किएको जस्तो त देखिँदैन । हामीले म्याद थप गरेर अनुसन्धान गरिरहेका छौँ’, उनले भने ।
लमजुङका सन्तोष रानाभाटले शनिबार पोखरा अमरसिंह चौरमा चलिरहेको रास्वपाको आमसभामा बोल्दै गरेको सभापति रवि लामिछानेलाई खोया प्रहार गरेका थिए । सभापति लामिछानेले युवकले प्रहार गरेको खोया आफ्नो सपना पूरा नभएसम्म घरमै सझाएर राख्ने घोषणा गरेका छन् ।
1667912853.jpg)
.JPG)
.jpeg)
.jpg)
प्रतिक्रिया गर्न लग इन गर्नु होस्:
Log in with Google