.png "Win Recruit Nepal"){kind=logo}
काठमाडाैं । नेपाल प्रहरीकाे केन्द्रीय अनुसन्धान ब्यूरो (सिआइबी)ले मुद्दा मिलाई दिन्छु भनि ठगी गर्ने दुई जनालाई पक्राउ गरेकाे छ । सिआइबीले
आपराधिक विश्वाशघात र संगठित अपराध समेत मुद्दामा भोजपुर जिल्ला हतुवागढी गाउँपालिका ५ स्थायी ठेगाना भई हाल काठमाडौं जिल्ला नागार्जुन १ रानीबन बस्ने २६ बर्षीया रितु राई र बर्दिया जिल्ला पाताभार १ स्थायी ठेगाना भई हाल काठमाडौं जिल्ला नागार्जुन १ रानीबन बस्ने २१ बर्षीय निरेश चौधरीलाई पक्राउ गरेकाे हाे ।
उनीहरूले काठमाडौं जिल्ला अदालतको आदेशले पुर्पक्षको लागि कारागार चलान भएका सुर्खेत विरेन्द्रनगर ५ घर भएका रेवन्त खड्काको मुद्दा मिलाई थुनामुक्त गराई दिन्छु भनि निजको बुवा अमरबहादुर खड्काबाट पटक पटक गरी उनान्सय लाख पचहत्तर हजार रूपैयाँ ठगी गरेकाे सिआइबीले जनाएकाे छ ।
उनीहरलाई केन्द्रीय अनुसन्धान ब्यूरोबाट खटिएकाे प्रहरी टोलीले पक्राउ गरी आपराधिक विश्वाशघात तथा ठगी मुद्दामा थप अनुसन्धान भईरहेको जनाएकाे छ ।
रेवन्तलाई भेपमार्फत तस्करी भएको ९ किलो सुन प्रकरणमा सीआईबीले पक्राउ गरेको थियो । उनी त्रिभुवन विमानस्थल भन्सार कार्यालयका नायब सुब्बा समेत हुन् ।
1667912853.jpg)
.JPG)
.jpeg)
प्रतिक्रिया गर्न लग इन गर्नु होस्:
Log in with Google