काठमाडौं– कतारमा पुलिसको जागिर लगाइदिन्छु भन्दै ६९ लाख ठगी गरेको आरोपमा एक जना पक्राउ परेका छन् । पक्राउ पर्नेमा ताप्लेजुङको आठराई त्रिवेणी गाउँपालिका–४ घर भएका ४९ वर्षीय रुद्रबहादुर लिम्बू छन् । उनलाई काठमाडौं उपत्यका अपराध अनुसन्धान कार्यालयको टोलीले धुम्बराहीबाट पक्राउ गरेको हो ।
लिम्बूले हरिबहादुर कार्कीसहित १९ जनालाई कतार पुलिसमा जागिर लगाइदिन्छु भन्दै ७ लाख रुपैयाँका दरले ६९ लाख रुपैयाँ लिएर ठगी गरेको पाइएको अपराध अनुसन्धान कार्यालयका एसपी तथा प्रवक्ता रवीन्द्र रेग्मीले बताए । रकम लिएपछि फरार भएका लिम्बूलाई पक्राउ गरेर उपस्थित गराउन भन्दै वैदेशिक रोजगार विभागले पत्राचार गरेपछि पक्राउ गरेर बुझाइएको प्रहरीले जनाएको छ ।
प्रतिक्रिया गर्न लग इन गर्नु होस्:
Log in with Google