काठमाडौं । पोर्चुगल पठाई दिन्छु भनी रकम ठगी गरेको आरोपमा एक महिला पक्राउ परेकी छन् । काठमाडौं उपत्यका अपराध अनुसन्धान कार्यालयको टालीले बाराको निजगढ घर भइ काठमाडौं तारकेश्वर बस्दै आएकी ४३ वर्षीया सुष्माकुमारी खड्कालाई पक्राउ गरेको हो ।
प्रहरीकाअनुसार खड्का राजु शाहीलाई वैदेशिक रोजगारीको लागि पोर्चुगल पठाईदिन्छु त्यसको लागि एघार लाख रुपैयाँ लाग्ने र पोर्चुगल पुगेपछि होटलमा काम लगाइदिने जहाँ मासिक एक लाख बीस हजार रुपैयाँभन्दा धेरै तलव हुन्छ भनी विश्वास दिलाएर पीडितबाट पटकपटक गरी सात लाख पचास हजार रुपैयाँ लिई फरार भएकी थिइन् । थप अनुसन्धान तथा कारवाहीको लागि उनलाई वैदेशिक रोजगार विभाग ताहाचल पठाईएको छ ।
प्रतिक्रिया गर्न लग इन गर्नु होस्:
Log in with Google