.png "Win Recruit Nepal"){kind=logo}
काठमाडौं । मनाङ एयरको हेलिकोप्टर दुर्घटनामा परेका पाइलट प्रकाशकुमार सेढाईंको निधन भएको छ । गत असोज २७ गते उनले चलाएको मनाङ एयरको हेलिकोप्टर सोलुखुम्बुमा दुर्घटना भएको थियो ।
दुर्घटनामा परी गम्भीर घाइते भएका पाइलट सेढाईंलाई काठमाडौंको ह्याम्स अस्पताल ल्याइएकामा त्यहाँ उपचार हुन नसकेपछि मुम्बई लगिएको थियो । नेसनल बर्न सेन्टर, मुम्बईमा उपचाररत उनको निधन भएको मनाङ एयरले विज्ञप्तिमार्फत् जनाएको हो । मनाङ एयरले मंगलबार उनको निधन जनाएको छ ।
दुर्घटनामा उनको शरीरको ५० प्रतिशतभन्दा बढी भाग जलेको बताइएको छ । हाइ अल्टिच्युडमा रहेका यात्रु ल्याउन गएको मनाङ एयरको हेलिकप्टर शनिबार बिहान ७ बजेर १३ मिनेटमा सोलुखुम्बुमा दुर्घटनाग्रस्त भएको थियो ।
1667912853.jpg)
.JPG)
.jpeg)
प्रतिक्रिया गर्न लग इन गर्नु होस्:
Log in with Google