काठमाडौं । सामुदायिक विद्यालय व्यवस्थापन समिति महासंघ नेपालको प्रथम राष्ट्रिय सम्मेलन यही २०७९ चैत्र २१ र २२ गते काठमाडौंमा हुने भएको छ । राष्ट्रिय सम्मेलनको उद्घाटन प्रधानमन्त्री पुष्पकमल दाहाल प्रचण्डले गर्नेछन् ।
महासंघका महासचिव गुणराज मुक्तानका अनुसार सम्मेलनको चैत्र २१ गते बिहान ११ बजे नेपाल प्रज्ञा प्रतिष्ठान कमलादीमा उद्घाटन गरिने छ ।
देशभरिका ७५३ स्थानीय तहका विद्यालय व्यवस्थापन समितिका १००० जना पदाधिकारी सहभागी हुने महासचिव मुक्तानले बताए ।
उनले भने, 'सामुदायिक विद्यालय सुधार र सार्वजनिक शिक्षा बलियो बनाउन विद्यालय व्यवस्थापन समितिहरुकाे बिचमा नीतिगत बहस तथा छलफल हुनेछ ।'
प्रतिक्रिया गर्न लग इन गर्नु होस्:
Log in with Google