.png "Win Recruit Nepal"){kind=logo}
काठमाडौं । कोशी प्रदेशका प्रदेश प्रमुख पर्शुराम खापुङले नयाँ सरकार गठनको आह्वान गरेका छन्। उनले शनिबार साँझ संविधानको धारा १६८ (५) अनुसार सरकार गठनका लागि आह्वान गरेका हुन् ।
मुख्यमन्त्री हिक्मतकुमार कार्कीले राजीनामा दिएसँगै प्रदेश प्रमुखले पाँच दिनको समय दिएर सरकार गठनको आह्वान गरेका हुन् ।आगामी असोज २६ गते अपरान्ह ५ बजेभित्र आफ्नो दाबी पेस गर्न प्रदेशसभा सदस्यहरूलाई आह्वान गरेको प्रदेश प्रमुख कार्यालयका प्रवक्ता नरेन्द्रकुमार श्रेष्ठले बताए ।
प्रदेश सभाका कुनै सदस्यले बहुमत प्राप्त गर्न सक्ने आधार पेस गरे प्रदेश प्रमुखले मुख्यमन्त्रीमा नियुक्त गर्न सक्ने संविधानको धारा १६८ को उपधारा ५ मा उल्लेख छ । यसअघिका मुख्यमन्त्री कार्की उपाधारा ३ अनुसार सभाको सबैभन्दा ठूलो दलको नेताको हैसियतले मुख्यमन्त्री नियुक्त भएका थिए ।
प्रतिक्रिया गर्न लग इन गर्नु होस्:
Log in with Google