Namaste Icon
Ad

सुदुपश्चिम

स्थानीय सरकार आयो पिउनलाई पानी आएन

स्थानीय सरकार आयो पिउनलाई पानी  आएन

डडेल्धुरा । अजयमेरु गाउँपालिका ५ देवल दिव्यपुर गालका स्थानीय बर्षौ देखी खानेपानिको समस्या भोग्दै आएका छन्। बिहान उठ्ने बित्तीकै अन्य कामकाज छोडेर त्यहाँका स्थानीयको पानी भर्नमै लाइन लाग्ने गरेको स्थानीय गणेश खड्काले बताए।


'दुःख धेरै पाईयो, हामीलाई पानी चाहियो' भन्दै नगरपालिका कार्यालय घेराउ

'दुःख धेरै पाईयो, हामीलाई पानी चाहियो' भन्दै नगरपालिका कार्यालय घेराउ

ममता भट्ट, डडेल्धुरा । खानेपानीको मागगर्दै डडेल्धुराको सदरमुकामस्थित अमरगढी नगरपालिका आईतबार घेराउ गरिएको छ । सदरमुकामस्थित अमरगढी नगरपालिकाको वडा नम्बर ८ का स्थानीय खानेपानीको मागगर्दै आन्दोलित भएका हुन् । सदरमुकामसँगै जोडिएका खनमडा, टाँटर, डकले बजार, तोली सिंलगा, रातागौंन, र लटाउली लगायतका बस्तीमा खानेपानीको चरम अभाव भएको भन्दै सयौंको संख्यामा आएका स्थानीयले पटक पटक खानेपानी योजना माग गर्दा पनि अमरगढी नगरपालिकाबाट समस्या समाधानका लागि कुनै पहल नभएको गुनासो गरेका छन् ।स्थानीय महिलाहरुको समेत उल्लेख्य सहभागिता रहेको आन्दोलनमा सहभागीहरुले अमरगढी नगरपालिकाले बजारक्षेत्रसँगै जोडिएका बस्तीहरुमा खानेपानीको व्यवस्था गर्न पटक पटक माग गर्दा पनि सुनवाई नगरेकाले नगरपालिका कार्यालय घेराउ गरिएको बताए । ‘धेरै दुःख पाईयो, हामीलाई पानी चाहियो !, स्थानीय सरकार मुर्दावाद !, भ्रष्टाचार बन्द गर, हाम्रो जीवन रक्षा गर १ जस्ता चर्का नाराबाजी गरेर प्रर्दशनमा उत्रिएका स्थानीयले कार्यालय घेराउ गरेपछि केहिबेर कार्यालयको सेवा अवरुद्ध भएको छ ।


प्रचण्ड–नेपाल समूहले धनगढीमा पनि वृहत् शक्ति प्रदर्शन गर्ने

प्रचण्ड–नेपाल समूहले धनगढीमा पनि वृहत् शक्ति प्रदर्शन गर्ने

कैलाली । नेकपाको प्रचण्ड–माधव नेपाल समूहले धनगढीमा पनि वृहत् शक्ति प्रदर्शन गर्ने भएको छ । शनिवार धनगढीमा सम्पन्न भएको प्रदेश कमिटीको बैठकले माघ १७ गते वृहत् शक्ति प्रदर्शन गर्ने निर्णय गरेको हो । धनगढीमा आयोजित पत्रकार सम्मेलनमा नेता डा भीम रावलले प्रदेश कमिटीको आयोजनामा प्रदेशस्तरीय बृहत विरोध प्रदर्शन र जनसभा गरिने जानकारी दिए।


लजमा बसेका देवर–भाउजू मृत फेला

लजमा बसेका देवर–भाउजू मृत फेला

कञ्चनपुर । घरबाट भागेर निस्केका बैतडीको पाटन नगरपालिका–८ का देवर–भाउजूको कञ्चनपुरको महेन्द्रनगरस्थित महाकाली अस्पतालमा मृत्यु भएको छ । दुई दिनअघि घरबाट निस्केका २५ वर्षीय शेरीराम कोली २० वर्षीया भाउजूसहित हिजो (शनिवार) बिहान महेन्द्रनगर आइपुगेका थिए । जिल्ला प्रहरी कार्यालयका अनुसार यहाँको बसपार्कस्थित पोखरा होटल एण्ड लजमा बसेका देवर–भाउजूको विष सेवनका कारण मृत्यु भएको हुनसक्ने आशंका गरिएको छ ।


डोटीको जोरायल गरुडीमा मोटरसाइकल दुर्घटना हुँदा एक जनाको मृत्यु

डोटीको जोरायल गरुडीमा मोटरसाइकल दुर्घटना हुँदा एक जनाको मृत्यु

डडेल्धुरा । भीमदत्त राजमार्ग अन्तरगत डोटीको जोरायल गाउँपालिका–२ गरुडीमा मोटरसाइकल दुर्घटना हुँदा एक जनाको मृत्यु भएको छ। डडेल्धुराबाट धनगढीतर्फ आइरहेको सुपप्र ००२००३ प ४९०२ नम्बरको मोटरसाइकलमा सवार डडेल्धुराको अमरगढी नगरपालिका–४ का अन्दाजी ३० वर्षीय प्रदिप घिमिरेको मृत्यु भएको हो।


झुलाघाट नाका थप २ दिन खोलिने

झुलाघाट नाका थप २ दिन खोलिने

ममता भट्ट, डडेल्धुरा। बैतडीको झुलाघाट नाका थप २ दिन खोल्ने निर्णय साप्ताहिक रुपमा सोमबार र शुक्रबार खुल्दै आएको बैतडीको झुलाघाट नाका थप २ दिन खोल्ने निर्णय भएको छ। दुवै देशका स्थानीय प्रशासनबीच भएको सहमतीअनुसार माघ ५ र ६ गतेगरि थप २ दिन नाका खुला गरिएको बैतडीका प्रमुख जिल्ला अधिकारी मोहनराज जोशीले जानकारी दिए।


बाजुरामा हतियारसहित चारजना पक्राउ

बाजुरामा हतियारसहित चारजना पक्राउ

काठमाडौं । बाजुरा, बडिमालिका नगरपालिका ३, रजालीबाट हतियारसहित चारजना पक्राउ परेका छन् । पक्राउ पर्नेमा बडिमालिका नगरपालिका ३, बस्ने ४५ वर्षीय नन्दु ल्वार, ४० वर्षीय बीरभाने लुहार, सोही नगरपालिका ८, बस्ने ३० वर्षीय बलबहादुर थापा र ३० वर्षीय डम्बर थापा छन् । जिल्ला प्रहरी कार्यालयबाट खटिएको प्रहरीले उनीहरुलाई उक्त हतियारसहित पक्राउ गरेको हो ।


मेलौली नगरमा कुल बजेट मध्ये ३६ प्रतिशत खर्च भयो

मेलौली नगरमा कुल बजेट मध्ये ३६ प्रतिशत खर्च भयो

लक्ष्मण विसी, बैतडी । बैतडीको मेलौली नगरपालिकाको सातौं नगरसभा सोमबार सम्पन्न भएको छ । सभाले नगरपालिकाले चालु आर्थिक बर्षमा भएको खर्च अनुमोदन गरेको छ । नगरसभामा अहिलेसम्मको खर्च अनुमोदन , निर्णयहरु अनुमोदन र बजेट शिर्षक सम्बोधन शिर्षकमा प्रस्तापहरु पारित गरेको उपप्रमुख राधा ओझाले जानकारी दिए।


डडेल्धुरामा सम्बन्ध विच्छेदका घटना बढे, ६ महिनामा मात्रै ३७ मुद्दा दार्ता

डडेल्धुरामा सम्बन्ध विच्छेदका घटना बढे, ६ महिनामा मात्रै ३७ मुद्दा दार्ता

ममता भट्ट, डडेल्धुरा । डडेल्धुरामा सम्बन्ध विच्छेदका घटना बढ्दै गएका छन्। डडेल्धुरा जिल्ला अदालतमा पछिल्लो ६ महिनामा सबैभन्दा बढी सम्बन्धविच्छेदका मुद्दा दर्ता भएका छन्। जिल्लामा बालविवाह गर्नेको संख्या बढ्दै जानु र महिलाहरू सचेत हुनुले सम्बन्ध विच्छेदका घटनामा वृद्धि भएको जिल्ला अदालत डडेल्धुराले जनाएको छ। जिम्मेवारी सरी आएका मुद्दाको यस वर्षहालसम्म जिल्ला अदालतमा मुद्दाको संख्या एक सय ३६ छ । यीमध्ये सबैभन्दा बढी मुद्दा सम्बन्धविच्छेदका ३७ वटा छन् । ३७ मुद्धामध्ये २० वटा फछ्र्यौट भएका र १७ वटा बाँकी रहेको जिल्ला अदालत डडेल्धुराका श्रेस्तेदार रामु शर्माले जानकारी दिए। उनले सम्बन्ध विच्छेदका घटना वृद्धि हुनुमा जिल्लामा बालविवाह गर्नेको संख्या बढ्दै जानु र महिलाहरू सचेत हुनु रहेको बताए।


सुदूरपश्चिममा ओली पक्षका मन्त्री बोहरालाई पदमुक्त गरियो

सुदूरपश्चिममा ओली पक्षका मन्त्री बोहरालाई पदमुक्त गरियो

धनगढी । सुदूरपश्चिम प्रदेशका भौतिक पूर्वाधार विकास मन्त्री पठानसिंह बोहरालाई पदमुक्त गरिएको छ। सुदूरपश्चिम प्रदेशका मुख्यमन्त्री त्रिलोचन भट्टले ओली पक्षका मन्त्री बोहरालाई पदमुक्त गरेका हुन्।