विरा दत्त भट्ट, दार्चुला । दार्चुला जिल्लाको महाकाली नगरपालिका वडा ७ धापमा रहेको मालिकार्जुन नमुना मावि धापमा कक्षा नर्सरी देखि कक्षा ३ सम्मका वालवालीकाहरुका आमाहरुका लागी प्रशिक्षण कार्यक्रम गरिएको छ ।
ललितपुर। महाङ्काल गाउँपालिका १ बुखेलको उनिउंचौरमा रहेको श्री बालमुकुन्द आधारभूत विद्यालयमा अध्ययनरत ७५ जना विद्यार्थीहरुलाई व्यवसायी,समाजसेवी तथा सहकारीकर्मी दिल नापितको सहयोग र युवा नेता तथा समाजसेवी पुरुषोत्तम हुमागाईंको विशेष समन्वयमा बिहीबार न्यानो कपडा वितरण गरिएको छ ।
सन्तोष दहाल, काठमाडौँ । शैक्षिक जनशक्ति उत्पादन क्षेत्रमा गुणस्तरीय व्यवस्थापन ,व्यवसायिक विकास तथा शैक्षिक जनशक्ति उत्पादनमा गुणस्तर कायम गर्दै लैजानुपर्ने अपरिहार्यतालाई मध्यनजर गर्दै देशभरका नीजि तथा आवासीय विद्यालयहरुको छाता संगठनको रुपमा रहेको नीजि तथा आवासीय विद्यालय अर्गनाईजेसन (प्याब्सन) को आयोजना तथा सीटीएफ नेपालको सह आयोजनामा 'विद्यालय शिक्षा' विषयक राष्ट्रिय सम्मेलनको आयोजना हुने भएको छ ।
ललितपुर । बागमती गाउँपालिकामा दोस्रो पटक विद्यालय स्तरीय वृहत् विज्ञान, प्रविधि तथा कला प्रदर्शनी हुने भएको छ । गाउँपालिकाको युवा, खेलकुद तथा शिक्षा शाखाले आयोजना गर्ने विद्यालय स्तरीय प्रदर्शनी यही माघ १७ र १८ गते माल्टाको कालीदेवी माध्यमिक विद्यालयमा हुनेछ । गाउँपालिका भित्रका १६ वटा बिधालयहरु सहभागी हुने उक्त प्रदर्शनीमा विभिन्न विज्ञान, प्रविधि र कलात्मक सामग्रीको प्रदर्शन गरिने विद्यालयका प्रधानाध्यापक कुमार चौंलागाइले जानकारी दिएका छन् ।
काठमाडौं । राज्यले दलित समुदायलाई सबै तहको शिक्षा निःशुल्क दिने भएको छ । विद्यमान कानुन संशोधन गरी सरकारले यस्तो व्यवस्था गर्न लागेको हो ।
कालिकोट । जिल्लाको शुभकालिका गाउँपालिका–७ स्थित श्री पञ्चकालिका माध्यमिक विद्यालयमा शिक्षक नियुक्तिका विषलाई लिएर प्रधानाध्यापक र स्थानीय अभिभावकबीच मनमुटाव भएको छ । अभिभावकले शिक्षक नियुक्ती गर्दा कागजात पूरा नभएको भन्ने आवाज उठाएपछि स्थानीय दिलबहादुर शाहीलाई प्रधानाध्यापक लक्ष्मण शाहीले सार्वजनिक स्थलमा धारिलो हतियार प्रयोग गरी निधारमा गहिरो चोट पुग्ने गरी हातपात गरेको घाइतेका छोरा बखत शाहीले जानकारी दिएका छन् ।
काठमाडौ । अदालतको आदेशले आफू अध्ययनरत कलेज नै खारेजीमा परेपछि ३० जना नर्सिङका विद्यार्थीहरुले आत्मदाहको चेतावनी दिएका छन् । उनीहरुले आफूहरुको भविष्य अन्धकारमा पारिएको भन्दै सिंहदरबार अगाडि आत्मदाह गर्ने चेतावनी दिएका हुन् । रिपोर्टर्स क्लब नेपालमा आज पत्रकार सम्मेलन गर्दै पीडित विद्यार्थी संघर्ष समितिले आन्दोलनको घोषणा गर्दै आत्मदाह सम्म गर्ने चेतावनी दिएका हुन् । हामीमाथि अन्याय हुँदा पनि सुनुवाई हुँदैन भने आत्मदाह गर्न वाध्य हुनेछौं, पीडित विद्यार्थी संघर्ष समितिकी संयोजक अनुष्का चौलागाईंले भनिन् । र्दुगम गाउँबाट नर्स बन्ने सपना बोकेर आएका ३० जना ठिमीस्थित चक्रवती हबी एजुकेशन एकेडेमी कलेज अफ नर्सिङ साइन्स कलेजमा भर्ना भएकामा अदालतको आदेशले खारेजीमा परेपछि परीक्षा दिनबाट वञ्चित भएका थिए । उनीहरुले सीटीइभीटी देखि शिक्षा मन्त्रालयसम्म धाउँदा पनि परीक्षा दिन नपाएपछि दुई वर्ष नर्सिङ अध्ययन खेर गएको थियो । पत्रकार सम्मेलनमा छात्रा अनुष्का चौलागाईँले कलेजको गल्तीको सजाय आफूहरुले पाउन नहुने बताइन् । सरकारले आफूहरुलाई न्याय नदिए कडा कदम चाल्न वाध्य हुने उनको भनाई थियो ।
फिदिम । चार विद्यार्थी बरको रुखमुनि खेलिरहेका छन्। शिक्षक रामकुमार तामाङ र कार्यालय सहयोगी विद्यार्थी नजिकै कुर्सीमा घाम तापिरहेका छन्। गाउँका एक अभिभावक बच्चा काखी च्यापेर शिक्षकसँग गफ गरिरहेका छन्। कक्षाकोठाका डेक्स–बेन्च रित्तै छन्। पाँचथर फाल्गुन्द गाउँपालिका–१ स्थित तिरतिरे आधारभूत विद्यालयमा गत सोमबार दिउँसो देखिएको दृश्य हो यो।
गोविन्द बीसी, बौनिया । कैलाली जिल्लाको एक सरकारी विद्यालयमा लामो समयदेखि खानेपानीको अभाव भएको छ । विद्यालयमा खानेपानीको ब्यवस्थापन नभएपछि विद्यार्थीलाई समस्या भएको हो । खानेपानीको समस्या झेल्दै आएका बिद्यार्थी विद्यालय भन्दा बाहिर गएर पानी पिउन बाध्य छन् । बर्दगोरिया गाउँपालिकाको वडा नम्बर ४ निमुवाबोझीमा रहेको जगन्नाथ प्राविमा लामो समय भैसक्दा पनि खानेपानीको ब्यवस्थापन हुन नसकेको बताइएको छ ।
ललितपुर । बागमती गाउँपालिकाले शैक्षिक सुधार गर्ने लक्ष्यको साथ बिहीबार एक कार्यक्रमको बीच गाउँपालिका भित्रका ४ वटा आधारभुत बिधालय (१-८) भटे्डाडा आधारभुत बिधालय भटे्डाडा , बिज्ञान प्रभा आधारभुत बिधालय इकुडोल, खैरेनि आधारभुत बिधालय प्युटार,बालमनोरमा आधारभुत बिधालय आश्राङलाई सुचना प्रविधि मा बिकास गर्दै आईटि लाई प्राथमिकता दिने लक्ष्य का साथ टि भि , ल्यापट , पिन्टर, फोटोकपि मिसिन १/१ प्रती र पुस्तकालय लाई ब्यब्थित गर्ने कार्यक्रम अन्तर्गत जनक मा बि गिम्दि , नारायणि मा बि गिम्दि , जनजाग्रती मा बि इकुडोल लाई पुस्तक लाईबेरि र्याक र फनिचर प्रदान गरेको छ ।
