माल्दिभ्सलाई पराजित गर्दै नेपाल फाइनल नजिक
काठमाडौं । १३ औं साग अन्तर्गत माल्दिभ्सविरुद्धको फुटबलमा नेपालले जित हासिल गरेको छ । नेपालले दशरथ रंगशालामा सम्पन्न खेलमा २–१ को जित निकालेको हो। खेलमा पुनरागमन गर्दै नेपाल जित निकाल्न सफल भएको हो। माल्दिभ्सले खेलको १८ औं मिनेटमा इब्राहिम हुसेनको गोलबाट सुरुवाती गोलको अग्रता लिएको थियो। तर नेपालले खेलको ४३ औं मिनेटमा बराबरी गोल फर्कायो। अभिषेक रिजालले आकर्षक गोलगर्दै बराबरी गोल फर्काएका थिए । खेलको ५२ औं मिनेटमा अनन्त तामाङले नेपालका लागि दोस्रो गोल गरेपछि नेपालले अग्रता बनाएको थियो।
