Namaste Icon
Ad
Ad

एमालेलाई पराजित गर्दै उदयपुरगढीमा एकीकृत समाजवादी विजयी

एमालेलाई पराजित गर्दै उदयपुरगढीमा एकीकृत समाजवादी विजयी

उदयपुर । उदयपुरको उदयपुरगढी गाउँपालिकाको अध्यक्षमा नेकपा एकीकृत समाजवादीका मानबहादुर क्याप्छाकी मगर निर्वाचित भएका छन् । सत्तागठबन्धनका उम्मदेवार उनले ४९४२ मत ल्याएर जितेका हुन् । उनका प्रतिष्पर्धी एमालेका गोपालबहादुर खत्रीले ४११४ मत ल्याएका छन् ।


बुटवलमा १५,१३१ मत गणनामा गर्दा कसकाे कति ?

बुटवलमा १५,१३१ मत गणनामा गर्दा कसकाे कति ?

बुटवल । रुपन्देहीको बुटवल उपमहानगरपालिकाको मेयरमा कांग्रेस उमेदवार खेलराज पाण्डेले मतान्तर बढाएका छन् । बुटवलमा १५ हजार बढी मत गणना हुँदा मेयर पदमा एमालेका बाबुराम भट्टराई भन्दा २७ सय बढी मतअन्तरले अग्रता कायम गरेका छन् ।


धनगढीमा स्वतन्त्र उम्मेदवार गोपाल हमाल झण्डै दोब्बर मतले अगाडि

धनगढीमा स्वतन्त्र उम्मेदवार गोपाल हमाल झण्डै दोब्बर मतले अगाडि

धनगढी । कैलालीको धनगढी उपमहानगरपालिकामा मेयरका स्वतन्त्र उम्मेदवार गोपाल हमालले निरन्तर मतान्तर फराकिलो बनाउँदै गएका छन् । पछिल्लो मतपरिणाम अनुसार ११ हजार १२९ मत गणना हुँदा हमालले ४ हजार ९६४ मत पाएका छन् ।


गोकुल बास्कोटाको गृहनगरमा एकीकृत समाजवादी अगाडि

गोकुल बास्कोटाको गृहनगरमा एकीकृत समाजवादी अगाडि

काभ्रे । नेकपा एमालेका नेता तथा पूर्वमन्त्री गोकुल बास्कोटाको गृहनगर काभ्रेपलान्चोकको मण्डनदेउपुर नगरपालिकामा नेकपा एकीकृत समाजवादीले अग्रता लिएको छ । नेकपा एकीकृत समाजवादीका टोकबहादुर तामाङ गठबन्धनको तर्फबाट मेयरका साझा उम्मेदवार हुन् । पछिल्लो मतपरिणाम अनुसार तामाङले २८८४ मत प्राप्त गरेका छन् ।


ओखलढुंगामा कांग्रेसका प्रतिनिधिले मतपत्र च्याते

ओखलढुंगामा कांग्रेसका प्रतिनिधिले मतपत्र च्याते

ओखलढुंगा । ओखलढुंगाको चिसंखुगढी गाउँपालिकामा कांग्रेसका प्रतिनिधिले मतपत्र च्यातेका छन् । वडा नं ३ को मतगणना भइरहँदा विवाद भएपछि मतपत्र च्यातेको सुरक्षा स्रोतले जनाएको छ । मतपत्र च्यात्ने व्यक्तिलाई प्रहरीले नियन्त्रणमा लिएको छ । अहिले नेपाली सेना, सशस्त्र प्रहरी र नेपाल प्रहरीको थप टोली खलढुंगाबजारबाट चिसंखुतर्फ लागेको छ। त्यहाँबाट पुग्न २ घण्टा बढी लाग्छ । विवाद भएको सूचना आएपछि थप टोली पठाइसकेको ओखलढुंगाका प्रमुख जिल्ला अधिकारी दीलकुमार तामाङले जानकारी दिए ।


बागलुङको काठेखोला ३ मा एमालेबाट कुलबहादुर विकको प्यानल विजयी

बागलुङको काठेखोला ३ मा एमालेबाट कुलबहादुर विकको प्यानल विजयी

बागलुङ । बागलुङको काठेखोला गाउँपालिका–३ मा नेकपा एमालेका प्रत्यशी कुलबहादुर विक प्यानलसहित विजयी भएका छन् । विक गाउँपालिकाको वडा अध्यक्षमा दलित समुदायका एक्ला उमेद्वार हुन् । विकले गठबन्धनका तर्फबाट नेकपा एकिकृत समाजवादीका उमेद्वार यामबहादुर श्रीषलाई ३ सय ४९ मतको फराकिलो अन्तरले पराजित गरेका हुन् । विकले ९ सय ६ मत प्राप्त गर्दा उनका निकतम प्रतिद्धन्दी श्रीषले ५ सय ५७ मत मात्र प्राप्त गरेको अधिकृत चुर्णबहादुर कार्कीले बताए । यसपालिको मतदानमा वडाको २ हजार एक सय मतदातामध्ये जम्मा १५ सय १ मत खसेको थियो ।


बुढानीलकण्ठ ८ मा एमाले उम्मेदवार विजयी, प्रमुख र उपप्रमुखमा पनि अग्रता

बुढानीलकण्ठ ८ मा एमाले उम्मेदवार विजयी, प्रमुख र उपप्रमुखमा पनि अग्रता

काठमाडौं । काठमाडौंको बुढानीलकण्ठ नगरपालिकाको वडा नम्बर ८ मा नेकपा एमालेले जितेको छ । एमालेका उम्मेदवार सुमन तामाङ्गले जित हात पारेका हुन् । तामाङले १५२२ मत पाए भने उनका प्रतिस्पर्धी नेपाली कांग्रेसका राजाराम थापाले १०६८ मत ल्याए ।


कालिकोटको खाँडाचक्रमा एमालेलाई हराउँदै स्वतन्त्र उमेदवार निर्वाचित

कालिकोटको खाँडाचक्रमा एमालेलाई हराउँदै स्वतन्त्र उमेदवार निर्वाचित

काठमाडौं । कालिकोटको खाँडाचक्रमा स्वतन्त्र उमेदवार कमलबहादुर शाही निर्वाचित भएका छन् । एमालेका जसीप्रसाद पाण्डेलाई हराउँदै स्वतन्त्र उमेदवार शाही निर्वाचित भएका हुन् ।


टोखा नगरपालिकामा प्रमुख र उपप्रमुखमा कांग्रेसको अग्रता

टोखा नगरपालिकामा प्रमुख र उपप्रमुखमा कांग्रेसको अग्रता

काठमाडौं । काठमाडौंको टोखा नगरपालिकाको प्रमुखमा नेपाली कांग्रेसकी उम्मेवार रजनी थापाले अग्रता लिएकी छन् । स्थानीय तहको वैशाख ३० गते सम्पन्न मतदानको सोमबार १४ हजार १८६ मत गणना हुँदा कांग्रेसकी उम्मेदवार थापाले पाँच हजार ५६० मत ल्याई अग्रता बनाएकी हुन् । उनका निकटतम प्रतिद्वन्द्वी एमालेका प्रकाश अधिकारीले पाँच हजार ३५८ मत प्राप्त गरेको टोखाका निर्वाचन अधिकृत सविता शर्माले बताइन् ।


पोखरा महानगरमा १३,६४३ मत गन्दा कसकाे कति ?

पोखरा महानगरमा १३,६४३ मत गन्दा कसकाे कति ?

पोखरा । पोखरा महानगरपालिकामा अहिलेसम्म १३ हजार ६४३ मत गणना भएको छ । अहिलेसम्मको गणनामा एकीकृत समाजवादीका धनराज आचार्यले अग्रता कायम राखेका छन् । आचार्यले पाँचहजार ७४८ मत ल्याउँदा एमालेका कृष्ण थापाले पाँच हजार ७८ मत पाएका छन् ।