.png "Win Recruit Nepal"){kind=logo}
काठमाडाैं । पुष्प व्यवसायीहरूकाे साझा संस्था फ्लोरिकल्चर एशोसिएसन नेपाल (फ्यान) काे ३१औं बार्षिक साधारण सभा भाद्र २९ गते शुक्रबार हुने भएकाे छ । साधारणा सभा काभ्रेकाे धुलिखेलमा रहेकाे आगन्तुक रिसोर्टमा बिहान ९ बजेदेखि दिउसाे ३ बजेसम्म सञ्चालन हुने फ्यानले जनाएकाे छ ।
साधारण सभाले आव ०७९/८० को वार्षिक प्रतिबेदन, आव ०८०/८१ को नीति तथा कार्यक्रम, आव ०७९/८० को लेखा परिक्षण प्रतिबेदन र आव ०८०/८१ को कार्यक्रम तथा अनुमानित बजेट अनुमोदन गर्ने फ्यानका महासचिव विश्वमणि पोख्रेलले जानकारी दिए ।
त्यस्तै, साधारण सभाले आव ०८०/८१ को लागि लेखा परिक्षकको नियुक्ती र निजको पारिश्रमिक तोक्नुकाे साथै बिधान संसोधन प्रस्तावमाथि छलफल हुने पोख्रेलले बताए ।
पोख्रेलले भने, 'फ्यान सदस्यता नविकरण गर्न बाँकी रहेको सदस्यज्यूहरुले ३१औं बार्षिक साधारण सभा हुनु अगावै फ्यान कार्यालयमा सम्पर्क गरी सदस्यता नविकरण गर्नु गराउनु हुन अनुराेध गरिन्छ । फ्यानको बिधानको दफा ११ को उपदफा १ (ग) अनुसार चालु आवको सदस्यता नविकरणका लागि असोज मसान्त भित्र सक्नु पर्ने व्यवस्था रहेको छ ।'
.jpg)
प्रतिक्रिया गर्न लग इन गर्नु होस्:
Log in with Google