.png "Win Recruit Nepal"){kind=logo}
सोलुखुम्बु । लिखुपिके गाउँपालिका वडा नम्बर पाँचमा रहेको भकान्जे टीस्टेट प्रालिको छैटौं वार्षिक साधारणसभा सम्पन्न भएको छ । उक्त वार्षिक साधारणसभा समिक्षालय हल भकान्जेमा सम्पन्न गरिएको हो ।
साधारणसभामा भकान्जे टीस्टेट प्रालिका अध्यक्ष आङदावा शेर्पाले
वाषिर्क प्रतिवेदन, लेखापरीक्षण प्रतिवेदन, मेसिन खरिद, आम्दानी र खर्च, कम्पनीको बिमा, लगायत विभिन्न विषयहरु छलफलका लागि प्रस्ताव पेश गरेका थिए । साधारणसभामा हिमालयन प्रोजेक्ट नेपाल तथा भकान्जे टीस्टेट प्रालिका लेखा अधिकृत अमृत घिमिरेले आयव्यय विवरण प्रस्तुत गरेका थिए ।
त्यस्तै भकान्जे टीस्टेट प्रालिका व्यवस्थापक दोर्जी तामाङले विभिन्न शीर्षकमा भएको खर्च विवरण सार्वजनिक गर्दै आगामी दिनमा हुनसक्ने खर्चको अनुमानित बजेट पेश गरे ।
सोही वार्षिक साधारणसभा कार्यक्रममा भकान्जे टीस्टेट प्रालिका आङदावा शेर्पाले स्वास्थ्यस्थितिको कारण देखाउदै अध्यक्ष पदबाट राजीनामा दिए । शेर्पाको राजीनामा समितिले स्वीकृत गरेको छ । राजीनामा पश्चात् वर्तमान समिति, चिया कृषक तथा आम भेलाले छलफल गरेर जाङ्बु शेर्पालाई अध्यक्ष चयन गरिएको छ ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google