.png "Win Recruit Nepal"){kind=logo}
काठमाडौं । नेपाल राष्ट्र बैंक घरजग्गा कर्जामा लचक भएको छ । अब तीन करोड रुपैयाँसम्मको आवासीय घरमा बैंक तथा वित्तीय संस्थाहरूले ८० प्रतिशतसम्म ऋण लगानी गर्न पाउने भएका छन् । राष्ट्र बैंकले बुधबार बैंक तथा वित्तीय संस्थाहरूलाई एकीकृत निर्देशन जारी गरी पहिलोपटक घर खरिद वा निर्माण गर्ने व्यक्तिलाई यस्तो गरेको हो ।
ऋणी आफूले मात्र प्रयोग गर्ने गरी बढीमा तीन हजार वर्ग फिटसम्मको घर वा अपार्टमेन्ट हुनुपर्ने छ । बैंक तथा वित्तीय संस्थाबाट यसपूर्व घर तथा अपार्टमेन्ट निर्माण वा खरिद कर्जा नलिएको यकिन गरेर मात्र ऋण लगानी गर्नुपर्ने व्यवस्था केन्द्रीय बैंकले गरेको छ । यस सुविधाअन्तर्गत कर्जा प्रदान गर्दा घरभाडालाई ऋणीको आम्दानीको स्रोतको रूपमा देखाउन नपाइने, कर्जाको ब्याजदर वृद्धि भएमा पूर्वनिर्धारित मासिक किस्ता वृद्धि नगरी कर्जा भुक्तान हुने व्यवस्था मिलाउनुपर्ने भएको छ ।
यसैगरी निजी आवासीय घर कर्जा र नियमानुसार दर्ता भई सञ्चालनमा रहेका सरकारबाट स्वीकृति प्राप्त घर निर्माण व्यवसाय कम्पनीहरू/परियोजनाहरूलाई आवासीय घर निर्माणको लागि प्रदान गरिने कर्जाको हकमा ७० प्रतिशतसम्म कायम गर्न सकिने व्यवस्था गरिएको राष्ट्र बैंकले जनाएको छ ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google