.png "Win Recruit Nepal"){kind=logo}
काठमाडाैं । अर्थमन्त्री डा.प्रकाशशरण महतले नेपाल राष्ट्र बैंकले सार्वजनिक गरेको मौद्रिक नीतिको तेस्रो त्रैमासिक समीक्षा सरकारले चाहेको जस्तो नभएको बताएका छन् ।
शुक्रबार अर्थ मन्त्रालयमा राजस्व परामर्श समितिले आयोजना गरेको निजीक्षेत्रसँग आगामी बजेटका लागि सुझाव कार्यक्रममा बोल्दै अर्थमन्त्री डा. महतले राष्ट्र बैंकबाट अझ खुकुलो मौद्रिक नीतिको अपेक्षा गरे पनि त्यस्तो नभएको बताए ।
उनले वर्तमान अर्थतन्त्रमा देखिएका समस्या समाधानका लागि सकारात्मक सन्देश दिने बताए । उनले बजारमा पछिल्लो समय भएको तरलता सहजता बनाई कर्जा प्रवाहका लागि सहज बनाउने बताए ।
उनले सरकारले आगामी बजेटमा निजीक्षेत्रले दिएका सल्लाह सुझावलाई औचित्य र आवश्यकताको आधारमा कार्यान्वयन गर्ने उल्लेख गर्दै सरकारको मुख्य लक्ष्य भनेकै वर्तमान अर्थतन्त्रलाई चलायमान बनाउनु भएको जनाए । उनले अनावश्यक कानुन, नियमावलीमा वा निर्देशनमा रहेका नीतिगत समस्या र अप्ठ्याराहरुलाई हटाउन कोसिस बजेटमार्फत गर्ने बताए ।
उनले निजीक्षेत्र व्यापारको क्रियाशीलता नभई उत्पादन वृद्धि र रोजगारी सिर्जना नहुने भन्दै उद्योग व्यवसाय नफस्टाई राजस्व बढ्न नसक्ने उल्लेख गरे । उनले राजस्व बढेमात्रै बजेटको आकार बढ्ने र बजेटको आधारमा वृद्धि मात्रै राज्यको लगानी गर्ने क्षमता बढ्ने दाबी गरे ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google