गाईघाट । उदयरपुर जिल्लाको त्रियुगा नागरपालिका–९ चौकीबारीमा गएराति आमा छोरीको विभत्स हत्या भएको छ । जिल्ला प्रहरी कार्यालयका अनुसार चौकीबारीका स्थानीय ३२ वर्षीया सारदा चौधरी र उनीकी ९ वर्षकी छोरी रचना चौधरीको धारिलो हतियार प्रयोग गरेर हत्या भएको हो । आज बिहान मात्रै चौधरीका छिमेकीले प्रहरीलाई खबर गरेपछि जिल्ला प्रहरी कार्यालयको टोली जघनास्थल पुगेको थियो ।
तेह्रथुम । १३ वर्षकी बालिका बलात्कार प्रयासको आरोपमा एक युवक पक्राउ परेका छन । पक्राउ पर्नेमा पाँचथरको कुम्मायक गाउँपालिका–४, का २३ वर्षीय सन्तोष लिम्बु रहेको प्रहरीले जनाएको छ । हाल उनि म्याङलुङमा कोठा भाडामा बस्दै आएका छन ।
ओखलढुंगा । ओखलढंगा, चिसंखुगढी गाउँपालिका–२ का वडा अध्यक्ष नरेन्द्र बस्नेतलाई आफ्नै पार्टीका नेताले कुटपिट गरेका छन् । नेपाल कम्युनिस्ट पार्टी (नेकपा) जिल्ला नेता अशोककुमार थापाले जनप्रतिनिधिमाथि कुटपिट गरेका हुन् ।
इलाम । सवारी दुर्घटनामा परी इलाममा एक प्रहरीको मृत्यु भएको छ । शनिबार दिउँसो इलामको बरबोटे–सुम्बेक सडकखण्डको छाँगेमा को १ ब २२८८ नम्बरको मोटरसाइकल दुर्घटना हुँदा इलाम नगरपालिका–५ बरबोटेमा कार्यरत प्रहरी नायब निरीक्षक रवि मगरको मृत्यु भएको हो ।
झापा । विर्तामोड नगरपालिका ४ स्थित अनुल सारु मगरको कोठाबाट कटुवा पेस्तोल सहित ३ जना पक्राउ परेका छन । प्रहरीले कटुवा पेस्तोल २ थान, गोली ४ राउण्ड, आर्थिक सहयोग सम्बन्धी पत्रहरु, परिपत्रहरु, विभिन्न माईन्युट बुकहरु, डायरीहरु, दस्तावेजहरु, सहयोग रसिदहरु, किताबहरु लगायतका विभिन्न सामाग्रीहरु सहित उनीहरुलाई सोमबार पक्राउ गरेको हो ।
चित्रकुमार कार्की, उदयपुर । ‘पहिलो पाईला नेपाल’ को बिर्तामोड शाखाले अरुणोदय आधारभुत बिद्यालय अर्जुनधारा ७ मा शैक्षिक सामाग्री बितरण गरेको छ । पहिलो पाईला नेपाल बिर्तामोड शाखा अध्यक्ष मदन ओलीको तथा अर्जुनधारा नगरपालिका वार्ड ७ का वडाध्यक्ष नवीन ढुङ्गानाको उपस्थितिमा एक कार्यक्रम आयोजना गरि सामाग्री वितरण गरिएको हो । सो अवसरमा बिद्यालय बेबस्थापन समिती अध्यक्ष राजकुमार बराईलेले सवैलाई धन्यबाद ज्ञापन गरे ।।
गाइघाट । ‘आर्थिक विकासको मुल आधार , सह अस्तित्वर ब्यापार’ भन्ने मुल नाराका साथ यही अशोज १ गतेदेखी १० गते सम्म उदयपुरको गाइघाटमा दशै तिहार महोत्सवको आयोजना हुने भएको छ । किर्तिमानी युवा संघ नेपाल र पुर्खा फाउण्डेसनको आयोजनामा वडा दशैको अवसर पारेर मेला लगाउने तयारी भइ रहेको मुल आयोजक समितिले बिहिबार एक पत्रकार सम्मेवलको आयोजना गरी जानकारी गराएको छ ।
झापा । झापाको बिर्तामोड नगरपालिका–२ चारपानेमा रहेको सहारा नेपाल सहकारी संस्थाको नवनिर्मित भवनमा गएराति बम विष्फोट भएको छ । सहकारीको चौकीदार बस्ने घरमा कुकर बम विष्फोट भएको हो । इलाका प्रहरी कार्यालय अनारमनीका प्रहरी नायव उपरीक्षक मोहन थापाका अनुसार बिस्फोटबाट सहकारीको गेट, गाड रुममा क्षति पुगेको छ भने भवनका शिशा फुटेका छन् ।
चित्रकुमार कार्की, उदयपुर । बिबिभन्न समय नेपाल प्रहरी सेवामा जाँगीरपछि निबृत्त भएकाहरुको छाता संगठन नेपाल पूर्व प्रहरी संगठन जिल्ला कार्यसमिति उदयपुर र बहालवाला प्रहरी नायव महानिरीक्षक ठाकुरप्रसाद ज्ञवालीबीच अन्तरक्रियात्मक कार्यक्रम सम्पन्न भएको छ ।
चित्रकुमार कार्की, उदयपुर । उदयपुरबाट सुनसरीको इटहरीतर्फ लैजादै गरिएको ३५ किलो गाँजासहित तीनजना पक्राउ परेका छन् । जिल्लाको पूर्वी बेलका नगरपालिकास्थित मैनामैनी र शिखरबाडीलगायतको क्षेत्रबाट गाँजा ओसारपसार भइरहेको विशेष सूचनापछि उदयपुरस्थित सशस्त्र प्रहरीको एक गस्ती टोलीले उनीहरुलाई नियन्त्रणमा लिएको हो ।
