झापाको चन्द्रज्योति माविले गर्यो कक्षा ११ का विद्यार्थीलाई स्वागत

दर्पण दैनिक

२५ आश्विन २०८०,१३:३५

झापा । झापा जिल्लाको झापा गाउँपालिका स्थित चन्द्रज्योति माविले ११ का विद्यार्थीलाई स्वागत गरेको छ । झिलझिले स्थित एक पार्टी प्यालेसमा कार्यक्रम आयोजना गरेर स्वागत गरेको हो । सो समारोहमा एमालेका युवा नेता शिक्षाप्रेमी रामप्रसाद रिजालले विद्यार्थीहरु नै देश परिवर्तनका वाहक तथा भविष्यका कर्णधार भएकोले विधार्थी हरुले अध्ययनमा दत्तचित्त भएर लाग्नुपर्ने बताए ।

त्यस्तै विद्यालयका प्रिन्सिपल अनोज सुब्बाले आफ्नो विद्यालयले विद्यार्थीको संख्यात्मक विकास भन्दा गुणस्तरीय शिक्षाको विकासमा ध्यान दिएको बताए । कक्षा ११ का विद्यार्थी हरुलाई सोही विद्यालयका कक्षा १२ का विधार्थीले स्वागत गरे ।

कार्यक्रममा विद्यालयका अध्यक्ष योगेन्द्र ताम्ली, झापा गाउँपालिका प्याब्सन अध्यक्ष नबराज सुबेदी, शिक्षकहरू तुलाराम बस्नेत, अर्जुनसिंह राजवंशी, शुशील गौतम तथा कक्षा १२ की छात्रा अनिशा मण्डलले शुभकामना मन्तब्य राखेका थिए । स्वागत समारोहमा कक्षा ११ का विद्यार्थी सुरेन बरालले आफ्नो अनुभव सुनाए । शिक्षक विद्यार्थी तथा अतिथिहरुले नृत्यसमेत प्रस्तुत गरेका थिए ।कार्यक्रम सञ्चालन विद्यालयका शिक्षक ईन्द्र कंडेलले गरेका थिए ।