.png "Win Recruit Nepal"){kind=logo}
काठमाडौँ । नबिल बैंकले कृषि उद्यमलाई सशक्त बनाउन नबिल कृषि व्यवसाय ऋण योजना संचालनमा ल्याएको छ । बैंकले कृषि उद्यमीहरुलाई सहुलियत ब्याजदरमा २० लाख रुपैयाँसम्म यस्तो कर्जा प्रदान गर्दै आएको जनाएको छ।
कृषि वा कृषिसँग सम्बन्धित उद्यमहरुमा संलग्न साना किसानरइकाईरकृषकहरुलाई सजिलो र झन्झटमुक्त ऋण सुविधा मार्फत वित्तीय सहायता प्रदान गर्न यो योजना संचालनमा ल्याएको बैंकले जनाएको छ ।
वित्तीय सहायताबाट साना किसान–इकाई–कृषकहरूलाई उनीहरुको व्यवसाय सञ्चालनको आवश्यकता पूरा गर्न र उनीहरुको कृषि तथा कृषि व्यवसायलाई थप विस्तार गर्न मद्दत पुग्ने बैंकको विश्वास छ । यो सुविधा कृषि तथा पशुपालन व्यवसाय सहित सबै कृषि व्यवसायहरुमा लागू हुने बैंकले जानकारी दिएको छ ।
नबिल बैंकले दिगो बैंकिङलाई प्राथमिकता दिइरहेको र कृषि क्षेत्रमा लगानी गर्दा कृषि व्यवसायको दिगो विकासलाई सहयोग पुर्याउने बैंकको विश्वास छ । बैंकले कृषि तथा पशुपालन कर्जालगायत कृषि प्राविधिकहरुका लागि समेत कर्जा योजना संचालन गरिरहेको छ । आवश्यकता अनुसार विभिन्न बैंकिङ सुविधा र सेवाहरु प्रदान गरी धेरै भन्दा धेरै कृषि उद्यमी बनाएर देशको आर्थिक विकासमा योगदान पुर्याउन अग्रसर रहेको बैंकको भनाई छ ।
नेपाल राष्ट्र बैंकको निर्देशन अनुसार कृषि क्षेत्रका लागि कुल कर्जाको १२ प्रतिशत कर्जा विस्तार गर्ने नीति लिएको बैंकका कर्जा विभागका प्रमुख मनोज यादवले जानकारी दिए । उनका अनुसार नबिल बैंकले कृषि उद्यम गर्नेका लागि विभिन्न प्रोडक्ट मार्फत कर्जा विस्तार गरिरहेको छ । जसमध्ये एक हो नबिल एग्रि बिज्नेस लोन । यस प्रडक्ट अन्तर्गत किसानले अधिकतम २० लाख रुपैयाँसम्म कर्जा पाउँछन् । जसको ब्याजदर किसानको प्रोडेक्ट अनुसार फरक फरक हुन्छ । तर, समग्रहमा बेसरेटको अधिकतम २ प्रतिशत थप गरेर ब्याज लिने गरेको उनले बताए । कृषिको प्रकार, अवस्था अनुसार ब्याजदर फरक फरक हुने उनले जानकारी दिएका हुन् ।
बैंकले यो प्रोडक्ट सन् २०७८ देखि नै ल्याएको हो । हालसम्म यस पोर्टफोलियो अन्तर्गत करिब २ हजार किसानले लाने लिई सकेका छन् । बैंकले यस पोर्टफोलियो अन्तर्गत १ अर्ब २४ करोड रुपैयाँ कर्जा दिइसकेको छ ।
यो लोन सबै प्रकारका किसान तथा कृषि सम्बन्धी व्यवसाय गर्ने स्टेकहोल्डरले पनि पाउने छन् । जस्तै, शित भण्डारण, कृषिको प्रशोधन गृह आदिले पनि यो पोर्टफोलियोको लोन पाउने छन् । यो लोन लिनका लागि कृषकले आवश्यक बिज्नेश प्लान बैंकमा बुझाउनु पर्दछन् । के गर्ने, कसरी गर्ने, त्यसबाट नाफा कसरी आर्जन हुन्छ र त्यस व्यवसाय गर्दा आईपर्ने चुनौतिका विषय उल्लेख गरेर बिजनेश प्लान बैंकमा बुझाएपछि बैंकले सो बिज्नेस प्लान अध्ययन गरेर लोन दिने गर्दछ । यसरी लोन दिँदा सकभर धितो चाहिन र कति पय बिजनेशको अवस्था हेरेर बिना धितो पनि लोन उपलब्ध गराउने डिपार्टमेन्ट प्रमुख यादवले बताए ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google