डेनमार्ककी प्रधानमन्त्रीमाथि कोपेनहेगनको सडकमा आक्रमण

दर्पण दैनिक २६ जेष्ठ २०८१,१०:२९
post

काठमाडौँ । डेनमार्ककी प्रधानमन्त्री मेटे फ्रेडरिकसनमाथि राजधानी कोपेनहेगनको सडकमा आक्रमण भएको छ । आक्रमणबाट प्रधानमन्त्री स्तब्ध भएकी छन् ।

प्रधानमन्त्री कार्यालयका अनुसार सहरको मध्य भागमा रहेको एउटा चोकमा एक व्यक्तिले प्रधानमन्त्रीलाई कुटपिट गरेका हुन् ।

बीबसीका अनुसार आक्रमणकारी पक्राउ परेका छन् । युरोपेली आयुक्त उर्सुला भोन डर लेयनले यसलाई घृणित कार्य भनेकी छन् ।

डेनमार्कका प्रधानमन्त्रीको कार्यालयले एक विज्ञप्ति जारी गर्दै यस घटनाको विवरण दिएको छ ।

विज्ञप्तिमा भनिएको छ- शुक्रबार, कोपेनहेगनको कल्चरभेटमा प्रधानमन्त्री मेटे फ्रेडरिकसनलाई एक व्यक्तिले आक्रमण गरेका हुन्। आक्रमणकारी पक्राउ परेका छन् । यो घटनाबाट प्रधानमन्त्री स्तब्ध भएका छन् ।

आक्रमणकारीसँग सोधपुछ भइरहेको तर आक्रमणको कारण खुल्न नसकेको प्रहरीले जनाएको छ ।

सम्बन्धित खबर

post

ट्वीटरमा कसरी गर्ने लाइभ ?

२० श्रावण २०८०,०९:३१

प्रतिक्रिया गर्नुहोस्

प्रतिक्रिया गर्न लग इन गर्नु होस्: