.png "Win Recruit Nepal"){kind=logo}
काठमाडाैं । भारतस्थित आसाममा भारतीय जनता पार्टी (भाजपा) की एक महिला नेतृले आत्महत्या गरेको प्रकरणमा नाम जोडिएपछि भाजपाकै एक पुरुष नेतालाई बर्खास्त गरिएको छ । भाजपा किसान मोर्चाकी ती महिला नेतृले शुक्रबार गुवाहाटीस्थित आफ्नै घरमा आत्महत्या गरेकी हुन् । प्रारम्भिक रिपोर्ट अनुसार उनले निद्रा लगाउने धेरैवटा चक्की खाएर आत्महत्या गरेकी हुन् ।
भाजपा स्रोतका अनुसार आफ्नो अन्तरंग फोटो सार्वजनिक भएपछि ती महिला नेताले आत्महत्या गरेकी हुन् । प्रहरी अनुसन्धानका क्रममा उनीसँग तिनै भाजपा नेताको तस्बिर भेटिएको थियो । यही आधारमा पार्टीले उनलाई बर्खास्त गरेको बीबीसी हिन्दीले जनाएको छ । तर समाचारमा दुवैको नाम गोप्य राखिएको छ ।
महिला नेताले आत्महत्या गर्नासाथ भाजपाका आसाम अध्यक्ष भावेश कलिताले ती पुरुष नेतालाई तत्काल बर्खास्त गर्न आदेश दिएका थिए । असम प्रहरीले उक्त काण्डमा अप्राकृतिक मृत्युको मुद्दा दर्ता गरिए पनि अहिलेसम्म कोही पक्राउ नपरेको जनाएको छ ।
प्रतिक्रिया गर्न लग इन गर्नु होस्:
Log in with Google