.png "Win Recruit Nepal"){kind=logo}
काठमाडौं । प्रवासी नेपाली मञ्च, राष्ट्रीय कमिटी बहराईनले टर्किए र सिरियाका भुकम्प पीडितहरुको लागि संकलन गरेको ब्ल्याङ्केटहरु हस्तान्तरण गरेको छ । मञ्चलाई प्राप्त भएका २२१ मध्ये ५१ थान ब्ल्याङ्केट सिरिया दुतावासमा र १७० वटा ब्ल्याङ्केट टर्किए दुतावासमा हस्तान्तरण गरिएका हुन् ।
सहयोग प्रदान गर्दा टर्किए दुतावासका राहत संयोजक र सिरियन दुतावासका राहत संयोजकले सहयोगीहरु सम्पूर्णलगायत समग्र नेपालीलाई धन्यवाद व्यक्त गरेका थिए ।
सहयोग हस्तान्तरण कार्यक्रममा नेपाली दुतावासका प्रतिनिधि शकील मोहमद, प्रवासी नेपाली मञ्चका मध्यपुर्व संयोजक शालीग्राम पन्त, प्रवासी नेपाली मञ्च बहराइनका सचिव अमर श्रेष्ठलगायतको उपस्थिति रहेको थियो ।
साथै मञ्चले गैर आवासीय नेपाली संघका सन्तकुमार न्यौपाने र संगिता दाहाल, नेप्लिज वेलफेयर सोसाइटीका हिमाल घिमिरे, रामु काफ्ले र जिफन्ट सपोर्ट ग्रुपका थोमस कुलुङ्लाई धन्यवाद ज्ञापन गरेको छ ।
त्यस्तै, मञ्चले मन खोलेर सहयोग गर्ने सम्पूर्ण सहयोगी संघ–संस्था, संगठन एवम् सहयोगी नेपालीलाई धन्यवाद दिएको छ ।
प्रतिक्रिया गर्न लग इन गर्नु होस्:
Log in with Google