.png "Win Recruit Nepal"){kind=logo}
काठमाडौं । जनमत पार्टीको केन्द्रीय समिति विस्तार भएको छ । हिजो राति अबेरसम्म बसेको सो पार्टीको सचिवालय बैठकले केन्द्रीय समिति विस्तार गरेको हो । यो पटक सो पार्टीको केन्द्रीय समितिमा दुईसय भन्दा बढी केन्द्रीय सदस्य थप गरिएको छ । बैठकले १७ सदस्यीय सचिवालय, ३९ सदस्यीय कार्यकारिणी समिति, १४ सदस्यीय राजनीतिक समिति र २१६ जनाको केन्द्रीय समिति बनाउने निर्णय गरेको जनमत पार्टीका कोषाध्यक्ष सुरेन्द्रनारायण यादवले जानकारी दिए ।
केन्द्रीय समितिमा अधिकांश नयाँ सदस्य रहेका छन् । यसअघि केन्द्रीय समितिमा रहेका तीन चार जना योपटक सचिवालयमा परेका छन् । जनमत पार्टी स्रोतकाअनुसार पार्टीको विधानअनुसार भने केन्द्रीय समितिले अझै पूर्णता पाएको छैन । पार्टीको विधान अनुसार ३५१ सदस्यीय केन्द्रीय समिति बनाउनुपर्छ । अहिले २१६ सदस्यीय केन्द्रीय समिति बनेको छ ।
पछिल्लो समय जसपा नेपालबाट प्रवेश गरेका नेतामध्ये अधिकांश शीर्ष नेतालाई केन्द्रीय समितिमा समेटिएको छ । जसपाबाट जनमतमा प्रवेश गरेका नरसिंह चौधरीलाई उपाध्यक्षको जिम्मेवारी दिएको छ भने लोसपाबाट प्रवेश गरेका डा.शरदसिंह यादव सचिवालयमा परेका छन् । उनलाई प्रवक्ताको समेत जिम्मेवारी दिइएको छ ।
त्यस्तै, हालै लोसपा छाडेर उक्त पार्टीमा प्रवेश गरेका पल्टन ठाकुरलाई पनि राजनीतिक समितिमा राखिएको छ । जसपाबाट प्रवेश गरेका करिमा बेगम, सन्ध्या देव, प्रल्हाद गिरी र लोसपाबाट प्रवेश गरेका राजेश मिश्रलाई राजनीति समितिमा राखिएको छ ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google