.png "Win Recruit Nepal"){kind=logo}
चितवन । प्रधानमन्त्री पुष्पकमल दाहाल ‘प्रचण्ड’ले कोशी प्रदेशका मुख्यमन्त्री केदार कार्कीलाई गठबन्धनले विश्वासको मत दिने बताएका छन् । भरतपुर विमानस्थलमा पत्रकारहरुसँग कुरा गर्दै उनले कोशीका मुख्यमन्त्री गठबन्धनका पनि मुख्यमन्त्री भएको बताए ।
प्रधानमन्त्री दाहालले भने, ‘कोशीको समस्या समाधान गरिएको छ, अन्ततः यसले गठबन्धनलाई बलियो बनाउनेछ । आज बिहान नेपाली कांग्रेसका सभापति शेरबहादुर देउवा, सोही पार्टीका अर्का नेता डा शेखर कोइराला र आफूबीच सहमति भएको जानकारी दिँदै प्रधानमन्त्री दाहालले भने, ‘हामी गठबन्धनलाई कुनै पनि हालतमा कमजोर हुन दिने छैनौँ, अब कार्कीजी मुख्यमन्त्री हुनुभएको छ, उहाँ हामी सबैको साझा मुख्यमन्त्री हो ।’ हाम्रो गठबन्धन कायम रहने भन्दै उनले गठबन्धनकै उम्मेदवारका रुपमा नेता कार्कीलाई लिइएको दोहोर्याए ।
अर्को एक प्रश्नमा प्रधानमन्त्रीले कोशी प्रदेशमा सर्वपक्षीय सरकार बन्ने सम्भावना तत्काल नरहेको बताए । उनले भने, ‘सम्भावना हुन सक्छ, तर अहिले नै हुन्छ भन्न सकिँदैन, गठबन्धनकै सरकारले त्यहाँ निरन्तरता पाउनेछ ।’
अर्थतन्त्रमा समस्या परेको स्वीकार गर्दै प्रधानमन्त्री दाहालले यसलाई समाधान गर्न सरकार लागिपरेको बताए । उनले भने, ‘अहिले अर्थतन्त्रमा धेरै दबाब परेको छ, यसका धेरै कारण छन्, विगतदेखिका समस्या छन् ।’
प्रधानमन्त्री दाहालले आफ्नो नेतृत्वमा सरकार गठन भएसँगै अर्थतन्त्रलाई बिग्रन नदिन हरसम्भव प्रयास गरिरहेको बताए । उनले भने, ‘यी प्रयास पर्याप्त छैनन्, देशको अर्थतन्त्रलाई उकास्न विशेष प्रयास जरुरी छ ।’
एक पृथक प्रसंगमा प्रधानमन्त्री दाहालले निर्माण व्यवसायीले सम्पन्न गरेका परियोजनाको भुक्तानी दिने निर्णय सरकारले गरिसकेको बताए । निर्माण व्यवसायीलाई गरिएको भुक्तानीले मात्र समस्याको समाधान नहुने भन्दै उनले समग्रमा ‘मेजर अप्रेसन’ गर्न छुट्टै संरचना खडा गर्नुपर्ने विचार व्यक्त गरे ।
उनले भने, ‘बजेट वक्तव्य र नीति तथा कार्यक्रममा छलफल भइरहँदा देशको आर्थिक विकासको प्रारुपलाई नै नयाँ ढंगले विकास गर्न जरुरी छ, यो वर्ष हामीले भ्याएनौँ । अर्को वर्ष बजेट बनाउने क्रममा नयाँ शिराबाट जान्छौँ ।’
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google