.png "Win Recruit Nepal"){kind=logo}
काठमाडौँ । प्रतिनिधिसभाबाट पास भएको संघीय निजामती सेवा विधेयक, २०८० राष्ट्रिय सभामा पेश भएको छ । राष्ट्रियसभाका सचिव सुरेन्द्र अर्यालले ‘सङ्घीय निजामती सेवा विधेयक, २०८०’ का सम्बन्धमा प्रतिनिधिसभाबाट प्राप्त सन्देश सभा समक्ष टेबुल गरेका हुन् ।
प्रतिनिधि सभाबाट बहुमतले पारित भएको उक्त विधेयक राष्ट्रिय सभाको आगामी बैठकबाट छलफल र पारित प्रक्रियातर्फ प्रवेश गर्नेछ । तर राष्ट्रिय सभामा टेबुल हुनुअगावै उक्त विधेयकमा विवाद सुरु भइसकेको छ ।
विधेयकमा समावेश गरिएको भनिएको २ वर्षे कुलिङ पिरियडमा ‘बाहेक’ शब्द राखेर छेडखानी गरेको भन्दै चौतर्फी आलोचना भइरहेको छ । सो विषय सच्याउन राज्य व्यवस्था तथा शुसासन समितिका सभापति रामहरि खतिवडाले राष्ट्रिय सभाका अध्यक्षलाई पत्रसमेत लेखिसकेका छन् ।
राष्ट्रिय सभामा टेबुल भएको उक्त विधेयक विधायन समितिमा पठाउने कि सिधै सभामै छलफल गर्ने भन्ने निर्णय हुनेछ । सामान्यतः विवादास्पद वा विस्तृत छलफल आवश्यक हुने विधेयकहरू पुनः समितिमा पठाइन्छन् ।
यदि विधेयक समितिमा पठाइयो भने, दफावार छलफलपछि संशोधित प्रतिवेदन सभामा फर्काइन्छ। सिधै छलफल भए पनि दफावार बहसका आधारमा पारित वा खारेज गर्ने निर्णय लिइन्छ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google