.png "Win Recruit Nepal"){kind=logo}
काठमाडौं । कर्णाली प्रदेश प्रहरी प्रमुखबाट प्रहरी प्रधान कार्यालय, प्रहरी महानिरीक्षकको सचिवालयमा सरुवा भएका प्रहरी नायव महानिरीक्षक (डिआइजी) भीमप्रसाद ढकालको विदाइ तथा फेरी भेटौंला कार्यक्रम सम्पन्न गरिएको छ । डिआइजी ढकाललाई प्रहरी वरिष्ठ उपरीक्षक सुशील सिंह राठौर, सन्जिव शर्मा दास र बीरबहादुर ओलीले मायाको चिनो प्रदान गरे । उक्त कार्यक्रममा प्रहरी वरिष्ठ उपरीक्षक, मातहत जिल्लाका प्रहरी उपरीक्ष तथा प्रहरी नायव उपरीक्षकलगायत प्रहरी अधिकृत, कर्णाली प्रदेश प्रहरी विद्यालयका प्रिन्सिपल सुनिल देवकोटा साथै सुर्खेतस्थित विभिन्न मातहत कार्यालयका प्रहरी अधिकृत तथा जवानहरुको उपस्थिति रहेको थियो ।
सो अवसरमा डिआइजी ढकालले आफ्नो करीब १२ महिना १७ दिनको कर्णाली प्रदेश प्रहरी कार्यालयको बसाई र नेतृत्व पूर्ण रूपमा सफल भएको बताए । उनले भने, ‘कर्णाली प्रदेश प्रहरी कार्यालयको बसाई र नेतृत्वमा रहँदा भरपुर ज्ञान, विवेक र कौशलको सदुपयोग गर्दै समग्र कर्णाली प्रदेशको शान्ति सुरक्षा तथा अपराध अनुसन्धानलाई प्रभावकारी रूपमा अगाडी बढाउन समन्वय, सहकार्य र सहअस्तित्वको माध्यमवाट नागरिक मैत्री, पारदर्शी, जवाफदेही र गुणस्तरिय प्रहरी सेवा प्रवाहमा हरप्रहर मातहत प्रहरी कर्मचाहरीहरू तल्लिन रहेको हुनाले उहाँहरूको अविच्छिन्न योगदानको परिणाम स्वरूप नै आजको सफलता प्राप्त भएको छ ।’ साथै उनले आगामी दिनहरूमा समेत निरन्तर रूपमा यस्तै खालका क्रियाकलाप, सहयोग र लगनशिलता कायम रहोस् भन्दै शुभकामना तथा निर्देशन समेत दिए ।
जाँदाजाँदै नेपाल पत्रकार महासंघ, कर्णाली प्रदेश र शाखा सुर्खेतका अध्यक्षहरू साथै सुर्खेतस्थित विभिन्न सञ्चार माध्यममा क्रियाशिल पत्रकार तथा संचारकर्मीहरूसँग भेटघाट समेत गरे । डिआइजी ढकालले पत्रकार, प्रहरी, प्रशासन र पोलिटिसियन बिचको समन्वय र सहकार्यको माध्यमबाट मात्र समाजलाई गुणात्मक रूपमा विकसित र परिवर्तित स्वरूपमा बदल्न सकिने भएको हुँदा विशेष गरी समाजका अन्य विविध अव्यवहरूको तुलनामा यी चारवटा मुख्य पक्षहरूको बीचमा आपसी समन्वय, सहकार्य अपरिहार्य रहेको बताए ।
उक्त कार्यक्रममा कर्णाली प्रदेश प्रहरी कार्यालयका प्रहरी वरिष्ठ उपरीक्षक बीरबहादुर ओलीले विदाइ भई जान लागेका प्रहरी नायव महानिरीक्षक (डिआइजी) ढकाललाई धन्यवाद सहित आगामी कार्यकालको शुभकामना व्यक्त गरे ।
ढकालको प्रहरी महानिरीक्षकको सचिवालयमा र कर्णाली प्रदेश प्रहरी प्रमुखमा लालमणि आचार्यको सरूवा भएको थियो ।
.jpg)
.jfif)
.jpg)
प्रतिक्रिया गर्न लग इन गर्नु होस्:
Log in with Google