.png "Win Recruit Nepal"){kind=logo}
काभ्रे । तेमाल गाउँपालिकाका अध्यक्ष चन्द्रबहादुर तामाङ (लामा) ले तेमालको शैक्षिक सुधारको लागि गाउँपालिका ठोस योजनाका साथ अगाडि बढीरहेको बताएका छन् । तेमाल गाउँपालिका ६ मा रहेको श्री पञ्चकन्या माविको २४औँ अभिभावक सम्मेलन तथा ६६औँ वार्षिकोत्सव कार्यक्रममा बाेल्दै अध्यक्ष तामाङले आगामी दिनमा विद्यालयको शैक्षिक र भौतिक वृद्धि विकासको लागि आफू हरदम लागिपर्ने प्रतिबद्धता जनाए ।
कार्यक्रमको उद्घाटन गर्दै गाउँपालिका अध्यक्ष तामाङले भने, ‘संविधानमा शिक्षालाई मौलिक हकको रूपमा उल्लेख गरेको छ । त्यसैले पढ्न पाउनु सबै बालबालिकाको नैसर्गिक अधिकार हो ।कोही पनि बालबालिका विद्यालय बाहिर नहोस् र विद्यालय शिक्षालाई गुणस्तरीय र वैज्ञानिक बनाउन गाउँपालिकाले ठोस योजना बनाइरहेका छौँ ।’
कार्यक्रममा वडा ६ का वडाध्यक्ष प्रेमबहादुर तामाङ शिक्षालाई सीपमा र सीपलाई उत्पादनमा जोड्ने वातावरण बनाउन वडा कार्यालय प्रतिबद्ध रहेको बताए । कार्यक्रममा शिक्षा शाखा प्रमुख कृष्ण घिमिरे, लेखा शाखा प्रमुख सूर्य प्रसाद त्रिपाठी लगायतका सहभागी थिए ।
विद्यालय व्यवस्थापन समितिको अध्यक्ष विकुलाल तामाङको अध्यक्षतामा भएको सो कार्यक्रममा रमेशप्रसाद त्रिपाठीले आर्थिक प्रतिवेदन, प्रधानाध्यापक टङ्कमान लामाले वार्षिक प्रतिवेदन प्रस्तुत गरेका थिए ।
प्रतिक्रिया गर्न लग इन गर्नु होस्:
Log in with Google