.png "Win Recruit Nepal"){kind=logo}
काठमाडाैं । यूएईमा आज सुरु भएको यू– १९ एसिया कप क्रिकेटमा नेपाल पहिलो खेलमा पाकिस्तानसँग पराजित भएको छ । दुबईस्थित आईसीसी एकेडेमी ओभल मैदान २ मा टस हारेको नेपाल पहिला ब्याटिङ गर्दै १५२ रन बनाउँदा अलआउट भएको थियो । १५३ रनको लक्ष्य पछ्याएको पाकिस्तानले तीन विकेटको क्षतिमा २६ ओभर २ बलमा लक्ष्य पूरा गरेको हो ।
पाकिस्तानका लागि कप्तान साद बेगले ५० रन बनाए भने अजान वाइसले ५५ रन बनाए । यस्तै, मोहम्मद जिसनले ८ बलमा २० रन बनाए । नेपालका लागि गुल्सन झाले दुई र आकाश त्रिपाठीले एक विकेट लिएका थिए ।
त्यसअघि क्वालिटी फास्ट बलिङ आक्रमण रहेको पाकिस्तानका अगाडि नेपाली युवा ब्याटरले संघर्ष गरेका थिए । पाकिस्तानका फास्ट बलर मोहम्मद जिसनले नेपाली ब्याटिङ लाइन ध्वस्त पार्ने क्रममा ६ विकेट लिँदा नेपाल संकटमा परेको हो ।
उत्तम थापा मगर दिपेश कँडेलले ६८ रनको साझेदारी गरेपछि नेपालले सम्मानजनक स्कोर बनाएको हो । नेपालका लागि उत्तम थापा मगरले ७६ बलमा ५१ रन बनाए । उनले त्यस क्रममा २ छक्का र तीन चौका प्रहार गरेका थिए ।
यस्तै, दिपेशले ५९ बलमा ३१ रन बनाए । उनले एक छक्का र २ चौका प्रहार गरेका थिए । ओपनर अर्जुन कुमालले २१ रनको योगदान दिए । अन्य ब्याटरले राम्रो ब्याटिङ गर्न सकेनन् । कप्तान देव खनाल १३ बल खेलेर शून्यमा आउट भए । सिनियर टिमका नियमित अलराउन्डर गुल्सन झा एक रन बनाएर आउट भए ।
.jpg)
.jpg)
प्रतिक्रिया गर्न लग इन गर्नु होस्:
Log in with Google