नमोबुद्धमा फुटबल प्रतियोगिता सुरु, पूर्वमन्त्री लामाले गरे उद्घाटन

दर्पण दैनिक

१२ माघ २०८१,१७:२३

काभ्रे । काभ्रेपलाञ्चोकको नमोबुद्ध नगरपालिकामा दोस्रो संस्करणको नमोबुद्ध कप सेभेन ए साइड फुटबल प्रतियोगिता सुरु भएको छ । नमोबुद्ध मानेगाउँ युवा क्लवको आयोजनामा शनिबारबाट नमोबुद्ध–१, फूलबारीमा प्रतियोगिता सुरु भएको हो । प्रतियोगितामा १९ टिम सहभागि रहेको बताइएको छ ।

प्रतियोगिताको नेपाली कांग्रेस काभ्रेका सभापति तथा पूर्वमन्त्री एवं बागमती प्रदेश सभा सदस्य तीर्थ लामाले उद्घाटन गरे । प्रतियोगिताको उद्घाटन गर्दै लामाले खेलमैदानमा पूर्वाधार विकासको लागि सहयोग गर्ने प्रतिवद्धता जनाए ।

नमोबुद्ध नगरपालिकाका प्रमुख कुनसाङ लामाले बिपद लगायत अन्य कुरामा केन्द्रित हुनुपर्दा खेल क्षेत्रमा पर्याप्त सहयोग गर्न नसकेको बताए । उनले आगामी दिनमा सहयोगको गर्ने प्रतिवद्धता जनाए ।

कार्यक्रममा रोशी गाउँपालिका अध्यक्ष दिनेश लामा, नमोबुद्ध नगरपालिका १ का वडाध्यक्ष प्रेमबहादुर तामाङ, समाजसेवी सन्तमान तामाङ, कृष्ण लामा, भोलाप्रसाद भट्टराई, आयोजक क्लबका अध्यक्ष उत्तरध्वज लामा, नवेश तामाङ लगायतले आ–आफ्नो धारणा राखेका थिए ।