.png "Win Recruit Nepal"){kind=logo}
काठमाडौं । विश्व फुटबलको सर्वोच्च निकाय फिफाले प्रदान गर्ने वर्ष खेलाडीको अवार्ड अर्जेन्टिनाका कप्तान लियोनल मेसीले जितेका छन् । सोमबार लन्डनमा आयोजित अवार्ड समारोहमा मेसीले म्यानचेस्टर सिटीका एर्लिङ हाल्यान्ड र पेरिस सेन्ट जर्मन (पीएसजी)का काइलियन एमबाप्पेलाई पछि पार्दै ‘द बेस्ट’ जितेका हुन् ।
म्यानचेस्टर सिटीका गोलकिपर एडर्सन वर्षको उत्कृष्ट गोलकिपर चुनिएका छन् । उनले रियाल मड्रिडका थिबाउट कोर्टुवा र अल हिलालका यासिन बोनोउलाई पछि पारे । पुरुष वर्ष प्रशिक्षक सिटीकै पेप ग्वार्डिओला चुनिएका छन् । ब्राजिलले ‘फेयर प्ले’ अवार्ड जितेको छ ।
महिलातर्फ स्पेनकी आइताना बोनमती वर्ष खेलाडी घोषित भइन् । गत वर्ष स्पेनले फिफा महिला विश्वकपको उपाधि र बार्सिलोनाले महिला च्याम्पियन्स लिगसँगै ला लिगा जित्दा उनी टिमकी महत्त्वपूर्ण सदस्य थिइन् । महिला वर्ष प्रशिक्षकको अवार्ड इंग्ल्यान्डकी सरिना वेग्मनले जितिन् । उनी चौथोपटक फिफाको वर्ष प्रशिक्षक चुनिएकी हुन् ।
.jpg)
.jpg)
प्रतिक्रिया गर्न लग इन गर्नु होस्:
Log in with Google