.png "Win Recruit Nepal"){kind=logo}
काठमाडाैं । एमालेले निरन्तर संसदमा अवरुद्ध पारिरहेका बेला साेही पार्टीका उपाध्यक्ष सुवासचन्द्र नेम्वाङले याे नियमसंगत नरहेकाे बताएका छन् । धुलिखेलमा आयाेजित एक कार्यक्रममा नेम्वाङले संविधान बनाउँदा नै संसद अवराेध नगर्नेबारे गम्भीर छलफल भएकाे स्मरण गरे । उनले भने, 'संसद अवरोध नियम संगत हैन । संविधान र नियमसंगत हैन । राजनीतिक दलले अवरोध गर्छन् ।'
भारतमा आँखा झिम्काउनेदेखि फ्लाइङ किससम्मको विवाद हुने गरेकाे भन्दै नेम्वाङले भने, 'हाम्रोमा पनि अवरोध हुने कुरा छ । संविधान निर्माणताका अवरोध नगरौँ भनेर छलफल गराएको हो । त्यतिबेला संविधानसभा अवरोध नहुने, व्यवस्थापिकामा चाहिँ अवरोध हुन्थ्यो । त्यो बेला सोफा नफुटेको त हैन, गलबन्दी लगाएर साथीभाइहरू उडेर नआएको हैन । खुर्सानीको धुलोसम्मकाे कुरा आयो । मैले भन्न खोजेको अवरोध नियमसंगत हैन ।'
राजनीतिक दलहरूले गर्ने अवरोधमा सोही दल जिम्मेवार हुनुपर्ने उनले बताए ।
'अहिले एमालेले गरेको संसद अवरोध ठीक कि बेठीक त भन्ने प्रश्नमा उनले भने, 'बहुमत ल्यनउनेले सकार चलाउँछ, अल्पमतमा रहने प्रतिपक्षमा रहन्छ । एउटा नियममा अवरोधको व्यवस्था छैन । तर, प्रतिपक्षले प्रभावकारी ढंगले कुरा राखेपछि कुरा सन्नुपर्छ भन्ने हो । मैले २ पक्ष भने- अवरोध नियमबमोजिम छैन । तर, यस्तो हुँदा राजनीतिक दलहरूले अवरोध गर्छन्, त्यो अवरोध कहिलेकाहीँ हुन्छ । अहिले मेरो दल एमालेले संसद् अवरोध गरेको छ । त्यसलाई मेरो दलले जस्टिफाइ गर्नुपर्छ । फेरि भन्छु- अवरोध नियमसंगत हैन, अवरोध हुन्छ नै तर दफहरूले जस्टिफाइ गर्नुपर्छ ।'
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google