.png "Win Recruit Nepal"){kind=logo}
काठमाडौं । नेकपा एकीकृत समाजवादी नेता मेटमणि चौधरीले नेकपा एमाले अध्यक्ष केपी शर्मा ओलीलाई पक्राउ गरेर अनुसन्धान गर्नुपर्ने बताएका छन् । आज (मंगलबार) नयाँ बानेश्वरस्थित संसद् भवन बाहिर सञ्चारकर्मीलाई प्रतिक्रिया दिँदै गिरीबन्धु टी स्टेट्स प्रकरणमा ओलीलाई पक्राउ गरेर अनुसन्धान गर्नुपर्ने बताएका हुन् ।
उनले एमाले अध्यक्ष ओली चाडैँ पक्राउ पर्ने समेत दाबी गरे । उनले भने ‘ओलीजी पक्राउ पर्ने होइन, चाडैँ समातिँदै छन् । त्यो कारणले प्रत्येक दिन सदन अवरोध गर्ने, अनेक बाहना निकाल्ने, अनेक कुरा गर्ने काम गरिरहेका छन् । समातिन्छौँ भनेर यो खालको बखेडा झिकिरहेका छन् ।’
ओली क्याबिनेटले नै गिरीबन्धु टी स्टेट्सबारे निर्णय गरेको हुनाले उनी नै दोषी भएको चौधरीले दाबी गरे । उनले भने, ‘केपी ओली प्रधानमन्त्री हुँदा नै क्याबिनेटले गिरीबन्धु टी स्टेट्स प्रकरणबारे निर्णय गरेको थियो । ओलीको मान्छे भूमि सुधारमन्त्री, त्यो क्याबिनेटले गरेको निर्णय, त्यसैले ओली नै दोषी हुन्, ओली समातिनुपर्छ ।’ सरकारले यही वर्ष ओलीलाई समात्ने उनको दाबी छ ।
प्रधानमन्त्री पुष्पकमल दाहाल ‘प्रचण्ड’ले पनि केही समयअघि झापाको बिर्तामोडस्थित गिरीबन्धु टी स्टेट्सको जग्गा प्रकरण पनि छानबिन गर्ने बताएका थिए । यो जग्गा प्रकरणमा तत्कालीन प्रधानमन्त्री तथा प्रमुख प्रतिपक्ष दल एमालेका अध्यक्ष ओलीलाई विभिन्न आरोप लागेको छ ।
एमाले अध्यक्ष ओली नेतृत्वको तत्कालीन सरकारले गिरीबन्धु टी स्टेटको नाममा रहको ३ ४२ बिघा १९ कट्ठा १२ धुर जग्गा सट्टा भर्ना गर्न दिने गरी भूमिसम्बन्धी ऐनको आठौँ संशोधन गरेको थियो ।
यस्तो बहुमूल्य जग्गा बेच्ने वातावरण तयार गरिदिन कानुन संशोधन गरेको आरोप तत्कालीन सरकार र त्यसको नेतृत्वकर्ता ओलीलाई लागेको छ।
1679298112.jpg)
1674115170.jpg)
.jpg)
1691312161.jpg)
.jpg)
.jpg)
प्रतिक्रिया गर्न लग इन गर्नु होस्:
Log in with Google