.png "Win Recruit Nepal"){kind=logo}
काठमाडौँ । अछाममा नेकपा एमालेको वडा कमिटी नै मातृभूमि जागरण अभियानमा समाहित भएको छ । डा. भीम रावलको गृहपालिका साँफेबगर नगरपालिकाका ८ को वडा कमिटी उक्त अभियानमा समाहित भएको हो ।
साँफेबगर नगरपालिका–८ को सिंगो वडा कमिटी उक्त अभियानमा समाहित भएको छ । एमालेको उक्त वडा कमिटीलाई नै मातृभूमि जागरण अभियानको वडा समितिमा रुपान्तरण गरिएको छ ।
एमाले वडा कमिटी अध्यक्ष शम्भुबहादुर कुँवरको अध्यक्षतामा बसेको बैठकले उक्त निर्णय गरेको हो । ‘एमाले वडा कमिटीका सम्पूर्ण पदाधिकारी मातृभूमि जागरण अभियानमा समाहित भएको घोषणा गर्दै सोही कमिटी उक्त अभियानको तदर्थ समितिमा रुपान्तरण गर्ने निर्णय गरिएको छ,’ निर्णयमा भनिएको छ ।
यस्तै, वडा नम्बर १० को एमाले कमिटी पनि मातृभूमि जागरण अभियानमा समाहित भएको छ । सोही कमिटीलाई उक्त अभियानको वडा समिति बनाइएको हो ।
यसअघि नै १ हजार १ सयभन्दा बढी नेता कार्यकर्ता रावलको मातृभूमि जागरण अभियानमा समाहित भइसेका छन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google