.png "Win Recruit Nepal"){kind=logo}
काठमाडौँ । नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपालले कमिसन खानलाई पूर्वप्रधानमन्त्री एवं नेपाली कांग्रेसका सभापति शेरबहादुर देउवाले डडेलधुरामा विमानस्थल बनाउन खोजेको आरोप लगाएका छन् । बिहीबार सिंहदरबारमा बसेको अन्तर्राष्ट्रिय सम्बन्ध र पर्यटन समितिको बैठकमा बोल्दै नेपालले काँग्रेस सभापति देउवामाथि यस्तो आरोप लगाएका हुन् ।
उनले भैरहवा र पोखरा अन्तर्राष्ट्रिय विमानस्थल नचल्दा पनि विमानस्थल बनाउने निर्णय गर्नु देशलाई नोक्सानी मात्रै हुने बताए । उनले छिमेकी जिल्ला बैतडी र डोटीका विमानस्थल चल्न नसकेका वेला डडेलधुरामा विमानस्थल बनाउन खोज्नु ठेक्कामा कमिसन खानु रहेको स्पष्ट पारे ।
उनले उदयपुर र डडेलधुरामा विमानस्थलको आवश्यकता नरहेको उल्लेख गरे । मेरो जिल्लामा पनि मैले विमानस्थल ल्याइदिएँ भनेर जनतालाई भन्न पाउने बाहेक अरू कुनै उद्देश्य नरहेको बताए । विमानस्थलहरू चल्न नसकेपछि त्यसको जिम्मेवार निर्णय गर्नेहरूले लिनुपर्ने बताए ।
नेपालले भने‚ ‘आवश्यकता नै नभएका विमानस्थल बनाइरहेका छौँ । त्यो विमानस्थल बनाउने निर्णय गर्नेहरू दोषी हुन्छन् कि हुँदैनन् ? शेरबहादुरजीको जिल्लामा विमानस्थल चल्छ ? बैतडीमा चलिरहेको छ ? डोटीमा छैन ? के छ त्यसको हालत ? किन बनाउनु पर्यो । भनेपछि त्यहाँ ठेक्का लाग्छ, ठेक्कामा कमिसन खान पाइन्छ । सिधा त्यो कुरा बाहेक अरू केही पनि होइन ।’ अध्यक्ष नेपालले नेपाल वायुसेवा निगम घाटामा छ भन्ने र अर्कोतर्फ आवश्यक नभएका ठूला भवनहरू किन बनाएको भन्दै प्रश्न गरे ।
1679298112.jpg)
1674115170.jpg)
.jpg)
1691312161.jpg)
.jpg)
.jpg)
प्रतिक्रिया गर्न लग इन गर्नु होस्:
Log in with Google