.png "Win Recruit Nepal"){kind=logo}
काठमाडौं । अल नासरले फाइनलमा अल हिलालविरुद्ध २–१ को जित निकाल्दै अरब क्लब च्याम्पियन्स कपको उपाधि जितेको छ ।
सो उपाधि जित्नका लागि कप्तान क्रिस्टियानो रोनाल्डोको उत्कृष्ट प्रदर्शन रह्यो । उनले दुई गरे । साउदी अरेबियन क्लब अल नासरमा भित्रिएपछि रोनाल्डोले क्लबबाट जितेको यो पहिलो उपाधि हो ।
अल हिलालको घरेलु मैदान किङ फाहद रंगशालामा सम्पन्न खेलमा अल नासरका लागि दुवै गोल रोनाल्डोले गरे ।
खेलमा सुरुआती अग्रता भने अल हिलालले बनाएको थियो । ५१औं मिनेटमा माइकलले गरेको गोलबाट हिलालले अग्रता कायम गरेको थियो । तर,७४औं मिनेटमा रोनाल्डोले गोल गर्दै नासरलाई खेलमा फर्काएका थिए ।
यसपछि दुवै टिमबाट गोल हुन नसक्दा खेल अतिरिक्त समयमा धकेलिएको थियो । ९८औं मिनेटमा रोनाल्डोले गोल गर्दै अल नासरलाई २–१ को अग्रतामा राखेका थिए ।
.jpg)
प्रतिक्रिया गर्न लग इन गर्नु होस्:
Log in with Google