.png "Win Recruit Nepal"){kind=logo}
कोलम्बो । एसिसी महिला टी–२० एसिया कप क्रिकेट प्रतियोगिताको नवौँ संस्करण शुक्रबारदेखि श्रीलंकाको डम्बुलामा सुरु हुँदै छ । १९ देखि २८ जुलाईसम्म सञ्चालन हुने उक्त प्रतियोगितामा नेपालसहित ८ राष्ट्रको सहभागिता रहेको छ ।
नेपाल प्रतियोगिताको समूह ‘ए’मा रहेको छ । २ बलिया टेस्ट राष्ट्र भारत र पाकिस्तान पनि सोही समूहमा छन् । नेपालको समूहमा चौथो टोलीको रूपमा संयुक्त अरब इमिरेट्स (युएई) छ । समूह ‘बी’ मा भने श्रीलंका, बंगलादेश, मलेसिया र थाइल्यान्ड रहेका छन् ।
प्रारम्भिक चरणको खेलपछि दुबै समूहबाट २–२ टोली प्रतियोगिताको सेमिफाइनलमा पुग्नेछन् । सेमिफाइनल खेलमा विजयी हुने टोलीबीच १३ साउनमा फाइनल हुनेछ । प्रतियोगितामा नेपालले आफ्नो पहिलो खेल शुक्रबार युएईसँग खेल्दै छ ।
नेपाली टोलीले समूहगत चरणमा आफ्नो दोस्रो खेल २१ जुलाईमा पाकिस्तानसँग डम्बुलामै खेल्नेछ । नेपालले समूहगत चरणको आफ्नो अन्तिम खेल २३ जुलाईमा बलियो प्रतिद्वन्द्वी भारतसँग खेल्नेछ ।
नेपाल क्रिकेट संघ (क्यान)द्वारा एसिया कपका लागि घोषित नेपाली टोलीमा इन्दू बर्मा (कप्तान), रुविना क्षेत्री, सीता रानामगर, बिन्दू रावल, कविता कुँवर, पूजा महतो, कविता जोशी, सम्झना खड्का, काजोल श्रेष्ठ, सबनम राई, राजमती ऐरी, ममता चौधरी, कृतिका मरासिनी, रोमा थापा र डली भट्ट छन् ।
.jpg)
.jpg)
प्रतिक्रिया गर्न लग इन गर्नु होस्:
Log in with Google