.png "Win Recruit Nepal"){kind=logo}
काठमाडौं । माल्दिभ्सलाई ४–१ ले हराउँदै घरेलु टिम नेपाल साफ यू–१९ च्याम्पियनसिपको सेमिफाइनलमा प्रवेश गरेको छ । तीन खेलाडीलाई रातो कार्ड देखाइएको खेलमा माल्दिभ्सलाई हराउँदै नेपाल समूह ‘ए’ को उपविजेताको रूपमा सेमिफाइनलमा प्रवेश गरेको हो । यो समूहबाट यसअघि नै पाकिस्तानले विजेताको रूपमा अन्तिम चारको यात्रा तय गरिसकेको छ ।
त्रिपुरेश्वरस्थित दशरथ रंगशालामा सम्पन्न खेलमा नेपालको जितमा समिर तामाङले दुई गोल गरे । यस्तै, प्रशान्त लक्षम र निराजन धामीले गोल गरे ।
यस्तै, इन्जुरी समयमा समिरले व्यक्तिगत दोस्रो गोल गर्दै नेपालको अग्रतालाई ४–१ मा पुर्याएका थिए । यसपछि थप गोल हुन नसक्दा नेपाल जितसहित अन्तिम चारमा प्रवेश गरेको हो ।
खेल समाप्त भइसकेपछि रेफ्रीसँग विवादमा उत्रिँदा माल्दिभ्सका अफजल मोहम्मदले रातो कार्ड पाए । नेपालले यसअघि पाकिस्तानसँग १–० को हार व्यहोरेको थियो । माल्दिभ्सले भने पहिलो खेलमा पाकिस्तानसँग १–१ को बराबरी खेलेको थियो ।
नेपालले अब फाइनल प्रवेशका लागि समूह ‘बी’ को विजेतासँग खेल्नेछ । आजै हुने भारत र भुटानबीचको खेलबाट समूह ‘बी’ को विजेता र उपविजेताको टुंगो लाग्नेछ ।
.jpg)
.jpg)
प्रतिक्रिया गर्न लग इन गर्नु होस्:
Log in with Google