.png "Win Recruit Nepal"){kind=logo}
काठमाडौं । घरेलु मैदानमा आज (बिहीबार) सुरु हुने साफ यू–१९ च्याम्पियनसिपमा नेपाल पाकिस्तानसँग भिड्दै छन् । त्रिपुरेश्वरस्थित दशरथ रंगशालामा खेल साँझ साढे ५ बजे सुरु हुनेछ । समूह चरणको पहिलो खेल जित्दै नेपाली युवा टोली अन्तिम चारमा पुग्ने सम्भावना बलियो बनाउन चाहन्छ ।
साफमा नेपाल मालदिभ्स र पाकिस्तान रहेको समूह एमा छ । समूह चरणको अन्तिम खेलमा नेपाल मालदिभ्ससँग सोमबार दिउँसो साढे १ बजे भिड्नेछ ।
आजै हुने पहिलो खेलमा बंगलादेश र भारत भिड्नेछन्। सो खेल दिउँसो साढे १ बजे हुनेछ । समूह बीमा भारत, भुटान र बंगलादेश छन् । समूहका शीर्ष दुई टोलीले सेमिफाइनलमा स्थान बनाउनेछन् ।
जियारत शेखको कप्तानीमा यू–१९ राष्ट्रिय फुटबल टिमको घोषणा गरिएको थियाे । गोलकिपरमा कप्तान जिरायत सहित रुबिन बोगटी, अमृत टमाटा छन् । डिफेन्समा सिमान्त थापा, बिशाल नेपाली, बिक्रम तामाङ, आयुश तिम्सिना, आश्विन घोडासैनी, दिपक थापा, निन्साङ लिम्बु र गौरव महर्जन छन् ।
मिडफिल्डरमा कुशल देउवा, लक्ष्यु थापा, प्रशान्त लक्सम, अविनाश स्याङताङ, अनिल बोमजन, धनसिंह बिक, हरिशराज भट्ट, निल्सन तामाङ छन् । फरवार्डमा समिर तामाङ, निराजन धामी, सुजन डंगोल, सिद्धार्थ अधिकारी छन् ।
.jpg)
प्रतिक्रिया गर्न लग इन गर्नु होस्:
Log in with Google