.png "Win Recruit Nepal"){kind=logo}
सोलुखुम्बु । लिखुपिके गाउँपालिका ५ भकान्जेमा वडा स्तरीय पुरुष तथा महिला भलिबल प्रतियोगिता हुने भएको छ । सो भलिबल प्रतियोगिता चन्द्रज्योति माध्यमिक विद्यालय भकान्जेको आयोजनामा कार्तिक १५ र १६ गते हुने भएको हो ।
नेपालीहरूको दोस्रो ठुलो चाड तिहारको छेको पारेर हुन लागेको भलिबल प्रतियोगिताका लागि कार्तिक एक गतेदेखि १४ गतेसम्म वडाका विभिन्न स्थानका खेलाडीहरुले अभ्यास खेल खेलिरहेका छन् ।
चन्द्रज्योति माध्यमिक विद्यालयको आयोजनामा हुने प्रतियोगितामा समाजसेवी तथा मनकारी मनहरुले गरेको सहयोगबाट नै खेल संचालन गर्न लागिएको प्रधानध्यापक लाक्पा शेर्पाले दर्पण दैनिकलाई जानकारी दिए । त्यस्तै प्रधानध्यापक शेर्पाले पुरस्कर राशी भने टुंगो लागि नसकेको बताए ।
लिखुपिके गाउँपालिकाको वडा नम्बर पाँचमा खेलकुद क्षेत्रमा देखिएका समस्याहरु सुधार गर्नका लागि भलिबल खेल राखिएको उक्त भलिबल खेलका संयोजक दोर्जी तामाङले बताए ।
त्यस्तै संयोज तामाङले आयोजक चन्द्रज्योति माविबाट छात्रहरुको दुईदेखि तीन टिम र छात्राहरुको एक वा दुई टिमले प्रतियोगितामा भाग लिने दर्पण दैनिकलाई जानकारी गराए ।
उनका अनुसार यो प्रतियोगितामा उत्कृष्ट खेल प्रदशन गर्ने छात्र तथा छात्राहरुलाई छनोट गरेर छात्र र छात्राहरुको एकएक टिम निर्माण गरी आगामी मंसिरमा लिखुपिके गाउँपालिकामा हुने राष्ट्रपति रनिङ शिल प्रतियोगितामा प्रतिस्पर्धा गराइने छ ।
.jpg)
.jpg)
प्रतिक्रिया गर्न लग इन गर्नु होस्:
Log in with Google